ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ဆန်ုမ်2025၊ ကျံရ်ကိူရ်အူ ဆငည်း(20)ဒိူန် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း (Ta'ang Education Academy-TEA) ရေဲန်ဟောည်ႇဟာဝ်း ပ္လေါည်အာပ်ဒဲႈဘွည်ႇဒီပလိုမာ တကောန်ကျောင် အီပနောပဲန်ဆြာ လိူဝ်ႈ(1) ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။
ခည်မိုႈ ကျံရ်ကိူရ်အူ ဆငည်း(19)ဒိူန် ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်ကုင်ကမာည်း ကားအူကြောင်ပဲန်ကပ္လါႇ အီပ်ုန်(1)အီးယံမ်း၊ အီပ်ုန်(2)အီး ကတူႈဖေးဘာတ်။
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင်ဂဲ ယာမ်မိုႈ ကျံရ်ကိူရ်အူ ဆငည်း(16)ဒိူန်အောႏ။
ဂေါႇဒေင်ဒီန်မိုႈ ဒေင်ကတာည်း အခိင်ဘြည်က္လာည်း အ်ုန်ပဲန်ဟာဝ်းဒိုႇဘည်ရောင်အိုမ် ကနာည်ကူန်ရဝ်မာဂါင်ဂဲ နှာင်းဟာဝ်းဝီရ် မိူဝ်ႈကတူႈကီန်းဒည်း၊ ဂေါႇဘည်ဒီန် ကနာည်နှာင်းဘိူန်းဒါဟာဝ်းဝီရ်ငှိူည် ကူန်ရဝ်မာဂါင်ရဝ်ပါဟာန်ဒါင်းဂဲ (300)အီး စီကပိုမ်ဒေဘြဲဆားဟာဝ်း ခည်မိုႈ ကျံရ်ကိူရ်အူ ဆငည်း(15)ဒိူန်အောႏ။
ဘည်မိုႈအ်ုန် ကျံရ်ကိူရ်အူ ဆငည်း(15)အခိင် စူန်အံပ်(3:3)5မနေတ်ဒိူန် ကားတာင်တိုအီးအူကြောင်ဒီန် အခိင်ရောတ်ပရဝ်လာန်လောည် ဒီဒေင်ဟိုက် ဂေါႇကားအာဝ်ဒေဟိုက် ကားစီကပ္လါႇဇောႈလေႈပကဒိုႈဘည်ဒီန်။
ပ်ုန်ဒီရ်;ဂီုန်း
