ကူန်ရဝ်မာဂါင်ဂဲ ကပိုမ်ဒေဘြဲဆားဒေင်အီလူလှဲဝ်ႏ ခနားရဝ်ပါင်ဟာန်ဒါင်း ကာည်း အေဲမ်ငူည်
19 November 2025
ကူန်ရဝ်မာဂါင်ဂဲ ကပိုမ်ဒေဘြဲဆားဒေင်အီလူလှဲဝ်ႏ ခနားရဝ်ပါင်ဟာန်ဒါင်း ကာည်း အေဲမ်ငူည်
အေဲမ်ငူည်၊ ကျံရ်ကိူရ်အူ၊ ဆငည်း(19)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ငူည် ကူန်ရဝ်မာဂါင်ဂဲ ကပိုမ်ဒေဘြဲဆားဒေင်အီလူလှဲဝ်ႏ ခနားရဝ်ပါင်ဟာန်ဒါင်းကာည်း အေဲမ်ငူည်အောႏ။
ဂေါႇဒေင်ဒီန်မိုႈ ဒေင်ကတာည်း အခိင်ဘြည်က္လာည်း အ်ုန်ပဲန်ဟာဝ်းဒိုႇဘည်ရောင်အိုမ် ကနာည်ကူန်ရဝ်မာဂါင်ဂဲ နှာင်းဟာဝ်းဝီရ် မိူဝ်ႈကတူႈကီန်းဒည်း၊ ဂေါႇဘည်ဒီန် ကနာည်နှာင်းဘိူန်းဒါဟာဝ်းဝီရ်ငှိူည် ကူန်ရဝ်မာဂါင်ရဝ်ပါဟာန်ဒါင်းဂဲ (300)အီး စီကပိုမ်ဒေဘြဲဆားဟာဝ်း ခည်မိုႈ ကျံရ်ကိူရ်အူ ဆငည်း(15)ဒိူန်အောႏ။
ဒေင်ဒီန်မိုႈ ဒေင်ဒီဒါဟာဝ်းဝီရ် ကူန်ရဝ်မာဂါင်ဂဲ ကနာည်းဟြီုက်ရဟောမ်ရမာကဲ၊ ဆဲႈဒါႇဒေင်နီန် ကူန်ရဝ်မာဂါင်ဂဲ နှာင်းဆီုပ်ဘြဲဆားဟာဝ်းဘိုး ဒေင်ပါင်ဟာန်ဒါင်း ဟာဝ်း စယ်နေ၊ နံမ်ဆာန်း ဟာဝ်းတပ္လေါင်နံမ်တီး မောကံပ်ဘိူန်းဒါဟာဝ်းဝီရ်ငှိူည်အောႏ။
ဘံန်ဟောည်ႇဒေဲႈ ဇူႈကျံရ်ကိူရ်အူဒိူန်မာ် ဂေါႇဘြည်က္လာည်းဒါင်း ပဲန်အိုမ်ဒါင်းလှူပ် ပလှံင်အေဲမ်ငူည်၊ လှံင်ကိုက်ခည်း၊ လှံင်ရူကောကာည်း လှံင်အိုမ်ငျံရ်ကဲနီန် ကပုကာည်း ဒေင်မာ် မိူဝ်ႈလူလှဲဝ်ႏဟာဝ်း၊ ဒါႇခူဒီန် ပ်ုန်တီဆ်ုမ်အူန်းကူန်ရဝ်မာဂါင်ဂဲ ငှေါနား၊ ဆဘေကာည်း တဝ်လှာကဲနီန်မာ် မိူဝ်ႈကဆူမ်းလူလှဲဝ်ႏဟာဝ်းဂီုန်းခည်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists