ဖုင်ထီတအာင်း ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင်ဂဲ ကနာည်ဘိူန်းယံင်းချဲမ်ထီရိူန်းဒူးလံပ်ပိင်ငျာတအာင်
20 November 2025
ဖုင်ထီတအာင်း ရေဲန်ဟာဝ်းပါင်ကတူႈကငျားတောပ် ကူန်ရဝ်မာဂါင်ဂဲ ကနာည်ဘိူန်းယံင်းချဲမ်ထီရိူန်းဒူးလံပ်ပိင်ငျာတအာင်း
အိုမ်ယ်ုရ်၊ ကျံရ်ကိူရ်အူ ဆငည်း(20)
ဆဒါင်ကုင်တအာင်း
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင်ဂဲ ယာမ်မိုႈ ကျံရ်ကိူရ်အူ ဆငည်း(16)ဒိူန်အောႏ။
ခေဲင်ပါင်ကတူႈကငျားဒီန် ဖုင်လူမ်ထီကဲ ကဘ္လာင်းဟာဝ်းဘည်ဒါ ရိူန်းထီပ်ုန်ဘိူန်းယံင်းအမျာတ်ကဲနီန် ခေဲင်ဇီုင်းကာန်ပိင်ငျာ၊ တားဘြောင်ဇံင် ကာည်း တားဘြောင်ရဝ်ကဲမာ် ကဘ္လာင်းတာင်ပျဟာဝ်း တေဲင်ဘည်အာဝ်ဘိူန်းယံင်းထီကာည်း ဘည်မိူဝ်ႈ ကဆီုဝ်ပျဆနာကီန်ဒည်း၊ ဝါည်ဒီန် ဖုင်လူမ်ထီကဲ ကဘ္လာင်းဒဲႈဟာဝ်းခံင်ကျခံင်လ ကနာည်ဘိူန်းယံင်းချဲမ်ထီ ကာည်း ဇီုင်းကာန်ဟာဝ်းရအာည်ႇကဲနီန်။
ကနာည်နှာင်းဘိူန်းရိူန်းဒူးပိင်ငျာကုင်တအာင်း တိုအီးလူမ်ထီ ကာည်း တားဘြောင်ခမို လှံင်အိုမ်ယ်ုရ်၊ တားဘြောင်ရဝ်၊ ကူန်ရဝ်မာဂါင်ဂဲ ကစုကပိုမ်(100)အီး ဟိုက်ရောတ်ဒေဲႈ ကနာည်ဘိူန်းယံင်းချဲမ်ထီတောန်ကျံရ် မှာန်းကူန်ရဝ်မာဂါင်အယ်ဂဲ အီဂေါည်ခေဲင်ဇံင်/ရဝ် အရာပ်အရာတောန်ဒီတောန်ကဒါႇ ဘိူန်းအူန်းလီပ်ကဇောည် စာမ်ကံမ်ဒဲႈ ထီတအာင်းနီန်းအောႏ။
ကောင်ဆံရ်ဇီုင်းပိင်ငျာကုင်တအာင်း-TLECဂဲ ဘံန်ဟောည်ႇဒေဲႈ ဆန်ုမ်ပနောဘေဲႇ 2022 ကျံရ်ပူရ် ဂဲဇူႈဒေရေဲန်ဟာဝ်းဇီုင်းကာန် ရောတ်ဆန်ုမ် 2025 ကျံရ်ကိူရ်အူနီန်း ဟောည်ႇဘယ်ဒေႎိူဝ်ႈဟာဝ်းထီ (29)လိူဝ်ႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists