ပရဝ်လာန်လောည် ကားတာင်တိုအီး အူကြောင် ပဲန်ကပ္လါႇ ကောန်ဒဲႇ(2)အီး ကာည်း ကောန်အီပ်ုန်အူအီး ကတူႈဖေးဘာတ်
18 November 2025
ပရဝ်လာန်လောည် ကားတာင်တိုအီး အူကြောင် ပဲန်ကပ္လါႇ ကောန်ဒဲႇ(2)အီး ကာည်း ကောန်အီပ်ုန်အူအီး ကတူႈဖေးဘာတ်
ကုင်ငှေါ၊ ကျံရ်ကိူရ်အူ ဆငည်း(18)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်ကုင်ငှေါ၊ ပရဝ်လာန်လောည် ကားတာင်တိုအီး အူကြောင် ပဲန်ကပ္လါႇ ကောန်ဒဲႇ(2)အီး ကာည်း ကောန်အီပ်ုန်အူအီး ကတူႈဖေးဘာတ်။
ဘည်မိုႈအ်ုန် ကျံရ်ကိူရ်အူ ဆငည်း(15)အခိင် စူန်အံပ်(3:3)5မနေတ်ဒိူန် ကားတာင်တိုအီးအူကြောင်ဒီန် အခိင်ရောတ်ပရဝ်လာန်လောည် ဒီဒေင်ဟိုက် ဂေါႇကားအာဝ်ဒေဟိုက် ကားစီကပ္လါႇဇောႈလေႈပကဒိုႈဘည်ဒီန်။
ကားဒီန် စီယိူဝ်ႇပလှံင်မိုဂူႈဒါႈဒေဟာဝ်းပမူစယ် ကူန်ရဝ်မာဂါင်အီတောႇဒေဲႈခေဲင်ကား (10)အီး ၊ အီမိုႈ ကောန်ဒဲႇ(2)အီး ကတူႈဟာဝ်းဖေးဘာတ် ကာည်း ယာအီပေင် အဆာက်(64)ဆန်ုမ်ဒီန်မာ် ဇိူင်ကဒါႇလဝဲအ်ုန်ကပ်ုတ်ဟာဝ်း။
တံပ်အွံရ်ပ်ုန်လောတ်ကပီုန်တအာင်း PSLF/TNLA အီရံပ်ဇီုင်းကပ္လိူင်ဂဲ ဟာဝ်းစေတ်ဆေး ဒီပဲန်ကားကပ္လါႇဒီန် တိုန်းဟာဝ်းဆနံမ်း ကူန်ရဝ်မာဂါင်အီကတူႈ ပဂါင်ဆနံမ်။
ယာမ်မိုႈ ကျံရ်ကိူရ်အူ ဆငည်း(9)ဒိူန်မာ် လှံင်အေဲမ်ငူည်၊ ပရဝ်ပါင်ယိုက်ဒိူဝ်ႇ ကားတာင်ကူမ်အူကြောင်ပဲန်ကပ္လါႇ ကောန်အီမာည်းအူအီးယံမ်းဟာဝ်းပွံတ်အ်ုန်ဒီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists