ဖေးအန္တရာယ်ငံရ်နီန် အ်ုန်ဆမာဒဲႈအဆာက်ကာည်း ဂြိုခြီုင်ရဝ်ဂါင် ချှူမ်လူလှဲဝ်ႏဟာဝ်း။ အီတောပ်ခေဲင် ဖေးအန္တရာယ်ဖံန်ပါး အီမိုႈဖေးအန္တရာယ်ငံန်နီန် အ်ုန်ဆမာဒဲႈဇိုဇာတ် ကာည်း တဒင်္ဂဂြိုခြီုင်ခေဲင်ဂါင်အယ် လူလှဲဝ်ႏပဲန်ဖေးအန္တရာယ်ဒါင်း။ အယ်ဆံင်ဘယ်ဝီရ်တီပ်ဟြီုက် ဂြိုခြီုင်ပ်ုန်တိူဝ်ႈဘြားဟာဝ်း တိုအီဘြားကဲမံင်ခ္လံက်ဒိူန်မာ် ဆာ်အယ်ကတူႈငံရ်က္လိုႇ ဂြိုခြီုင်ခေဲင်ဂါင်အယ် နံင်ကတူႈချှူမ်ဟာဝ်းဒိုည်ႇ။

ဆိင်ပ္လူႈဒဲႈဆဒိ တကောန်ဆီုက် ၊ ကောန်နာန်း/ လိုည်းနာန်းအယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း တံပ်အွံရ်ပ်ုန်လောတ်ကပီုန်တအာင်း-PSLF/TNLA ကျောင်အရေးတီုင်ကုင် Political Science School (P.S.S) လိူဝ်ႈ(3)နီန် ။

ဆန်ုမ်2026 ကျံရ်အာရ် ဇူႈဆငည်း(8) ရောတ် ဆငည်း(10) ဒိူန် ဖုင်ကောင်ဆံရ်ကုင်တအာင်း-THCဂဲ ထိုးဒဲႈဆနံမ်းဒံန်ခြဲတကောန်ဒဲႇ အဆာက်(5)ဆန်ုမ်လေႈရခြူမ်ကာည်း မာကောန်ဒဲႇတိုဇံန် (3)ဆငည်းကထံက် ပလှံင်ကုင်ငှေါ၊ အိူင်အိုမ်ယ်ုရ်၊ ခေဲင်ကုင်တအာင်း။

ပ္လါႇဘေဲႇနီန်မိုႈ ဇူႈ ခေဲင်ကျံရ်အာရ်နီန် နှာင်းတောဟာဝ်းအီဟိုက်ကျောင် ပ်ုန်နှာင်းႎိူဝ်ႈကျောင်“Tealand Medical School” ကနာည်ဘွည်ႇပိင်ငျာဆနံမ်း [Bachelor of Medicine, Bachelor of Surgery (M.B.,B.S)] အီဂေါည်ရခြူမ်ဖုင်ခေါခါႇကောင်ဆံရ်ကုင်တအာင်း။