ဆိင်ပ္လူႈဒဲႈဆဒိ တကောန်ဆီုက် ၊ ကောန်နာန်း/ လိုည်းနာန်းအယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း PSLF/TNLA ကျောင်အရေးတီုင်ကုင် လိူဝ်ႈ(3)
16 February 2026
ဆိင်ပ္လူႈဒဲႈဆဒိ တကောန်ဆီုက် ၊ ကောန်နာန်း/ လိုည်းနာန်းအယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း PSLF/TNLA ကျောင်အရေးတီုင်ကုင် လိူဝ်ႈ(3)
ကုင်တအာင်း၊ ကျံရ်အာရ် ဆငည်း(16)
ဆဒါင်ကုင်တအာင်း
ဆိင်ပ္လူႈဒဲႈဆဒိ တကောန်ဆီုက် ၊ ကောန်နာန်း/ လိုည်းနာန်းအယ်ဂဲ ဘိူန်းဟြာင်းဟိုက် ကျောင် ပ်ုန်နံင်ႎိူဝ်ႈဟာဝ်း တံပ်အွံရ်ပ်ုန်လောတ်ကပီုန်တအာင်း-PSLF/TNLA ကျောင်အရေးတီုင်ကုင် Political Science School (P.S.S) လိူဝ်ႈ(3)နီန် ။
ကျောင် Political Science School (P.S.S)နီန် ဆာ်မိုႈ အီမိူဝ်ႈ ဝါဆနာ ကောန်ဆီုက်၊ ကောန်နာန်း/ လိုည်းနာန်းအယ်ဂဲ အဆာက်(18)ဆန်ုမ် ရောတ် အဆာက်(28)ဆန်ုမ် ဘိူန်းဟြာင်းဟိုက်ဒေဲႈ ဘည်ပ္လအူန်း ခေဲင်ကျံရ်အာရ်နီန်ဒိုႇ။
ဆာ်မိူဝ်ႈ အီဆိင်ဟြာင်းဟိုက်ကျောင်အရေးတီုင်ကုင်နီန် ဘည်ကဆီုဝ် ကောန်ဆီုက်၊ ကောန်နာန်း/ လိုည်းနာန်းအယ်ဂဲ လိုမိုႈ ဘည်ပ္လပ္လေႈအူန်း အီအော်င်ဆနီတ်တက္ကသိုလ်ပြီမ်ကာည်း အီအော်င်ကျောင် TLEC (Grade -12)တာန်း။ ကျောင်အရေးတီုင်ကုင်နီန် နှာင်းရံရ်ႈလံက်ခါမ်ဟာဝ်းလိူည် ကောန်ကျောင်(35)အီး နှာင်းပနောဟာဝ်းလှေင် ဘြည်(3)ဆန်ုမ်။
ဘာသာပ်ုန်နံင်ပနောဟာဝ်းမိုႈ English၊ Capacity Building Subjects၊ Human Rights Based Subjects၊ Basic Political Subjects၊ Political Economy ကာည်း Advanced Political Subjectsကဲနီန်။
Political Science School (P.S.S) လိူဝ်ႈ(1) ဇူႈဆန်ုမ် 2022ဒိူန် ႎိူဝ်ႈပနောဟာဝ်း လှေင်ဘြည်(3)ဆန်ုမ် ကစုကပိုမ် ကောန်ကျောင်အီပ်ုန် / အီမာည်းဂေါည်(35)အီး။ ဆန်ုမ်2024 စီဆီုပ်ႎိူဝ်ႈပနောဟာဝ်း လိူဝ်ႈ(2) ကောန်ကျောင်အီပ်ုန်/ အီမာည်းဂေါည်(26)အီး ဒဲႈကဲပနောတခေါရ်ဟာဝ်း ဘာသာပိင်ငျာ လံပ်အရေးတီုင်ကုင်နီန် ကတီးကရီး။ ကဇေန်နီး ခေဲင်ဆန်ုမ်2026နီန်မာ် နှာင်းဆီုပ်ႎိူဝ်ႈ ပနောဟာဝ်းဘိုး လိူဝ်ႈ(3)နီန်။
ကောန်ကျောင်ဂဲ အီဟိုက်အော်င်ဟာဝ်း ကျောင်အရေးတီုင်ကုင်လိူဝ်ႈ(1)ဒိူန် ရေဲန်ပ္လေါည်အာပ်ဒဲႈဘွည်ႇဒီပလိုမာ၊ အာပ်ချဒဲႈဟာဝ်းဘိုးဆု တကောန်အီလှဲမ်တောန်ကဒါႇဂဲ ကာည်း ပ္လါႇဘေဲႇလှိပ်ဂုင် တတာဆြာ / ယာဆြာ အီပနောဒဲႈဂဲ။
ပ်ုန်ကယေင်ႎိူဝ်ႈဟာဝ်း ကျောင်နီန်မိုႈ မောကံပ်ဘယ်ပြိူဝ်ႈလေႈ အီဘယ်ဒေအွံရ် ကဏ္ဍလံပ်အရေးတီုင်ကုင်၊ ကဏ္ဍလံပ်ဘြောင်ချှာင်ကာည်း ကဏ္ဍအီကဆီုဝ်ကဆဲင်တောပ် တီုင်ဌာန PSLF/TNLA၊ အီဘယ်ဒေအွံရ် ခြိူဝ်းမျိုးတအာင်းပါ်ဒိုႇဒိုည်ႇကာည်း လံပ်အရေးတီုင်ကုင် PSLF/TNLA၊ အီဘယ်ဒေအွံရ် အီကဆီုဝ်ကဆဲင်ဇီုင်းကာန်၊ အီဘယ်ဒေအွံရ် လံပ်ကဏ္ဍတောန်နဲ ကာည်း ဘည်လိုဂေန်းလံပ်အရေးတီုင်ကုင် ကောန်ဆီုက်ကောန်နာန်းအယ်ဂဲ အီထာမ်းဇီုင်းခေဲင်ဖုင်၊ ဘည်လိုတဂေန်း အဆီုဝ်ကဆဲင်တောပ် လံပ်ယိူဝ်ႇတီုက်ႎှိန်း ကာည်း ပဇာရ်ဒဲႈဟာဝ်း ဘည်လိုတဂေန်း အီဆီုဝ်ကဆဲင်တောပ် ဇီုင်းကာန်ကဲနီန် စီပဲန်ႎိူဝ်ႈ ပနောဒဲႈဟာဝ်း ကျောင်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists