ဖုင်ခေါခါႇကောင်ဆံရ်ကုင်တအာင်း-THCဂဲ ထိုးဒဲႈဆနံမ်းဒံန်ခြဲ တကောန်ဒဲႇ အဆာက်(5)ဆန်ုမ်လေႈရခြူမ်ကာည်း မာကောန်ဒဲႇတိုဇံန် ပလှံင်ကုင်ငှေါ
16 February 2026
ဖုင်ခေါခါႇကောင်ဆံရ်ကုင်တအာင်း-THCဂဲ ထိုးဒဲႈဆနံမ်းဒံန်ခြဲ တကောန်ဒဲႇ အဆာက်(5)ဆန်ုမ်လေႈရခြူမ်ကာည်း မာကောန်ဒဲႇတိုဇံန် ပလှံင်ကုင်ငှေါ
ကုင်ငှေါ၊ ကျံရ်အာရ် ဆငည်း(16)
ဆဒါင်ကုင်တအာင်း
ဆန်ုမ်2026 ကျံရ်အာရ် ဇူႈဆငည်း(8) ရောတ် ဆငည်း(10) ဒိူန် ဖုင်ကောင်ဆံရ်ကုင်တအာင်း-THCဂဲ ထိုးဒဲႈဆနံမ်းဒံန်ခြဲတကောန်ဒဲႇ အဆာက်(5)ဆန်ုမ်လေႈရခြူမ်ကာည်း မာကောန်ဒဲႇတိုဇံန် (3)ဆငည်းကထံက် ပလှံင်ကုင်ငှေါ၊ အိူင်အိုမ်ယ်ုရ်၊ ခေဲင်ကုင်တအာင်း။
ဆနံမ်းဒံန်ခြဲပ်ုန်ထိုးဒဲႈဟာဝ်းမိုႈ BCG Vaccine(ဆနံမ်းဒံန်ခြဲရောဂါတီဘီ)၊ IPV Vaccineဆနံမ်းဒံန်ခြဲရောဂါဆနာႇယံမ်း ပိုလီယို)၊ Pentavalent Vaccine(ဆနံမ်းဒံန်ခြဲဖံန်မျိုးကစာပ်- ဆနံမ်းဆိုင်ဆိုနာ၊ ဆနံမ်းကအိုက်၊ ဆနံမ်းဘီရ်တိုပိုင်း၊ ဆနံမ်းယံင်တာ်န်းဂါ်ႈပိုင်းနောႈ(Bပိုး)၊ ဆနံမ်းရောဂါ ဆဲဝ်ခေဲင်ဟောႇ ၊ MMR Vaccine ကာည်း ကနာည်မာကောန်ဒဲႇတိုဇံန် Td Vaccine(ဆနံမ်းဒံန်ခြဲ ဘီရ်တိုပိုင်းကာည်း ဆိုင်ဆိုနာ)ကဲနီန်အောႏ။
ခေဲင်ကခံပ်ကယည် ပ်ုန်ဟောည်ႇထိုးဒဲႈဆနံမ်းဒံန်ခြဲနီန်မိုႈ ကစုကပိုမ် ကောန်ဒဲႇ(199)အီး ကာည်း မာကောန်ဒဲႇတိုဇံန် (6)အီး။ ကနာည်တိုပိုင်းကောန်ဒဲႇဂဲ မောကံပ်ကတာရ်ႈဒါင်းဇာရ်ဒေဲႈကာည်း မောကံပ်ဟောႇကောန်ဒဲႇဂဲ ကတာရ်ႈဒါင်းဇာရ်ဒေဲႈနီန် ဆာ်မိူဝ်ႈကောန်ဒဲႇ အီညှံမ်ကတူႈ ထိုးဆနံမ်းဒံန်ခြဲဂဲဒိူန် ဆိင်ပ္လူႈဒဲႈဆဒိ ဘည်ကဆီုဝ်ကူန်မာကောန်ဒဲႇဂဲ ဘိူန်းအူန်းဒေဲႈထိုး ဒီကစံမ်ပယုင်ဆနံမ်း တီုင်ဌာနလံပ်ခေါခါႇအောႏ။
ဘံန်နံင်ဒေဲႈ ကျံရ်အိုည် ဆငည်း(9)နီန်မာ် နံင်ဆီုပ်ထိုးဒဲႈဟာဝ်းဆနံမ်းဒံန်ခြဲ တကောန်ဒဲႇဂဲ ပလှံင်ကုင်ငှေါနီန် လိူဝ်ႈ(2)။ ဆဲႈဒါႇဒီန် ဂေါႇမိုႈ နံင်ထိုးဒဲႈဟာဝ်း ဆနံမ်းဒံန်ခြဲတကောန်ဒဲႇ ကာည်း မာကောန်ဒဲႇတိုဇံန်ဂဲ ဘည်နီန်တောန်ကျံရ် ဆိင်ပ္လူႈဒဲႈဆဒိ ဘည်ကဆီုဝ်ကူန်ရဝ်မာဂါင်ဂဲ ဘိူန်းအူန်းရောတ်ဒေဲႈ တခေါရ်ကတူည်ႇကဘာ ဒီကစံမ်ပဂါင်ဆနံမ်း ကာည်း ယုင်ဆနံမ်းအောႏ။
ဘံန်ဟောည်ႇဒေဲႈ ဆန်ုမ်2025၊ ခေဲင်ကျံရ်ကိူရ်အာရ်ဒိူန်မာ် ဖုင်ခေါခါႇကောင်ဆံရ်ကုင်တအာင်း-THCဂဲ ထိုးဒဲဆနံမ်းဒံန်ခြဲ တကောန်ဒဲႇအဆာက်(5)ဆန်ုမ်လေႈရခြူမ် ခေဲင်ဇိုချီုင်ဘြည်(3)ဆငည်း ပလှံင်ကိုက်ခည်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists