ခေဲင်ကုင်တအာင်း ကနာည်နံင်ဇံင်းမံင်ဟာဝ်း ဆဖာဝအရာပ်အရာ ကာည်း အခွါင်းအရေးဟျံင်ႎဲ့ ကူန်ရဝ်မာဂါင် ကဲ PSLF/TNLA - လူမ်ဒံန်ခြဲငိူပ်မေန်းအိုမ်ဘြည်ကတာည်းကဲ ဘ္လံက်ချဟာဝ်းကတာည်း ဧက (2) ဆဲန်လှိူဝ်း ခေဲင်အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း ကာည်း အိူင်အေဲမ်ခြီရ် ခေဲင်ဆန်ုမ် (2025) အောႏ။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ လှံင်မိူင်းကူတ်၊ ဆီုက်ဘြာန် ခလရ(88) ချူ‚တီုင်တံပ် လပခ၊ ခလရ-၁၄၈ အီဂေါည်အေးစေတီ ကျံရ်တောရ်၊ ဆငည်း(27) အခိင် ခီညှာ(8:30)မိနေတ် တံပ်အွံရ်ပ်ုန်လောတ်ကပီုန်တအာင်းPSLF/TNLAဂဲ ထီမ်းဟိုက်ဒီဂေါည် တံပ်ဆီုက်ဘြာန် ပဲန်ဟာဝ်းကတီုက်ကပဴင် ခေဲင်ကတီုက်ကပဴင် ဘိူန်းဆီမ်းဟာဝ်း တံပ်ဆခန်းဆီုက်ဘြာန် ခေဲင်လှံင်မိူင်းကူတ်အောႏ။
ကုင်တအာင်း ၊အိူင်အိုမ်ယ်ုရ် ၊ လံက်တီုက်နာန်း1027 ဒေါန်(2)နီး ဒီပဲန်ကတီုက်ကပဲင် လှံင်နောင်ချေဝ် ၊ လှံင်မာဝ်းဓံင်း၊ လှံင်မိူင်းကူက်၊ လှံင်ဆဘော၊ တံပ်အွံရ်ပ်ုန်လောက်ကပီုန်တအာင်း PSLF/TNLA ဘိူန်းဆီမ်းဟာဝ်း တံပ်ဆခန်းဆီုက်ဘြာန်ဂဲ (24)လှေ၊ ဘိူန်းတိုည်းအီမ်း(17)အီး ကာည်း ဂြိုခြီုင်လာက်နာက်ကဲနီန်အောႏ။
ပ်ုန်ဒီရ်;ဂီုန်း
