25 February 2025

ဆန်ုမ်နံင်ဒေဲႈ 2025-2026နီန် ကောင်ဆံရ်ဇီုင်းပိင်ငျာကုင်တအာင်း (TLEC)ဂဲ နံင်တောႇဟာဝ်း တာဆြာ/ယာဆြာ ဒီလိုကျောင်ပနောဘေဲႇ

ကုင်တအာင်း၊ ကျံရ်အာရ်၊ ဆငည်း(21)ရက်

ကနာည်ဆန်ုမ်နံင်ဒေဲႈ 2025-2026နီန် ကောင်ဆံရ်ဇီုင်းပိင်ငျာကုင်တအာင်း(TLEC)ဂဲ နံင်တောႇဟာဝ်း တာဆြာ/ယာဆြာ ဒီလိုကျောင်ပနောဘေဲႇ ခေဲင်ကုင်တအာင်း။

ဘံန်ဆီုက်ဘြာန်ဇေဝ်ဂဲ ဆီမ်းဟာဝ်းအာဏာ ခေဲင်ကုင်ဘြာန်နီန် ယိူဝ်ႇတီုက်ႎှီုန်းဟာဝ်းဒိုည်ႇ လံပ်ပိင်ငျာဂဲနီန်မာ် လီပ်ဟာဝ်းဒိုည်ႇ CDM။ ဂေါႇဘည်ဒီန် ကနာည် ကျောင်(TLEC)နီန် နံင်ကတာရ်ႈဟိုက်ဇာရ်ဟာဝ်း လိုတာဆြာ/ယာဆြာ အီမိူဝ်ႈပ်ုန်နံပ်ပ်ုန်ဆမားကဲနီန်ဂီုန်း ကာည်း နံင်တောႇဟာဝ်း အီညှံမ်လီပ်ထာမ်းဇီုင်းကပ္လိူင် တာဆြာ/ယာဆြာ ကနာည်ပနောဘေဲႇ(Preservice Teacher) (1000)အီးအော။

လံပ်ပိင်ငျာ ကျောင် TLEC နီန် ဇူႈႎိူဝ်ႈဟာဝ်း ခည်မိုႈဆန်ုမ် 2022-2023၊ ဘည်ႎိူဝ်ႈဟာဝ်း ကျောင်(TLEC)နီန်မိုႈ နံင် ကောန်ဒဲႇ အီဟိုက်ကျောင်ကဲနီန် ဘိူန်းရဒေင်အခွါင်းအရေးလံပ်ပိင်ငျာ ပ်ုန်လိုနံပ်ဆမားနိုက်နိုက်၊ နံင်ဆနီတ်လံပ်ပိင်ငျာဂဲ ပဲန်မှည်ဒေဲႈ ကာည်း နံင်ဆနီတ်လံပ်ပိင်ငျာဂဲ ကျမှည်​ဒေဲႈ။

ဆန်ုမ်2024-2025နီန် ဘယ်ဒေႎိူဝ်ႈဟာဝ်း ကျောင်ပနောဘေဲႇပ္လံက်တံင်ဇူႈနီန် ကစုကပိုမ်(600)ကျောင်လှိူဝ်း၊ ကောန်ကျောင်အီဟိုက်ဂေါည်(66,000)အိီးလှိူဝ်း ကာည်း တာဆြာ/ယာဆြာ အီပနောဟာဝ်း ​ဂေါည်(3,500)အီးလှိူဝ်း​။

ဆန်ုမ်နံင်ဒေဲႈ 2025-2026နီန် နံင်ချှာင်ဆီုပ်ႎိူဝ်ႈဟာဝ်းဘိုး ကျောင်ပနောဘေဲႇနီန် ​ခေဲင်လှံင်အီကီုတ်ကဲဒိူန် (700) ကျောင်လှိူဝ်း။ 

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း