ခေဲင်အူကျံရ်နီး ဖုင်ဒံန်ခြဲတြားဥပဒေဂဲ ဘိူန်းဒေတိုည်း တိုအီးအီဒါခံင်မံဝ် (126)အီး ကာည်း အီကဇိူရ်ႈကယံင်း (13)အီး
21 February 2025
ခေဲင်အူကျံရ်နီး ဖုင်ဒံန်ခြဲတြားဥပဒေဂဲ ဘိူန်းဒေတိုည်း တိုအီးအီဒါခံင်မံဝ် (126)အီး ကာည်း အီကဇိူရ်ႈကယံင်း (13)အီး
ကုင်တအာင်း၊ ကျံရ်အာရ် ဆငည်း (10)
ဆဒါင်ကုင်တအာင်း
ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLA ခေဲင်အိူင် (5)အိူင်၊ အိူင်မာဝ်းဓံင်း၊ အိူင်မိုဂူႈ၊ အိူင်ကိုက်ခည်း၊ အိူင်အိုမ်ယ်ုရ် ကာည်း အိူင်အေဲမ်ခြီရ် ခေဲင်အူကျံရ်နီး ဖုင်ဒံန်ခြဲတြားဥပဒေဂဲ ဘိူန်းဒေတိုည်းဟာဝ်း တိုအီးအီဒါခံင်မံဝ် (126)အီး ကာည်း အီကဇိူရ်ႈကယံင်း (13)အီး။
ဖုင်တီုင်ဒံန်ခြဲတြားဥပဒေဂဲ ဘိူန်းဒေတိုည်း တိုအီးအီဒါခံင်မံဝ် ခေဲင်အိူင်မာဝ်းဓံင်းဒီန် (38)အီး ကာည်း အီကဇိူရ်ႈကယံင်း (4)အီး ခေဲင်ဒီန်အ်ုန်တောပ် ကအာင်ယာမ (1276)ထူက်၊ ဆာ်မိုႈ ခေဲင်အိူင်မိုဂူႈ စီဘိူန်းဒေတိုည်း အီဒါခံင်မံဝ် (11)အီး ကာည်း အီကဇိူရ်ႈကယံင်း (2)အီး။
ဆဲႈဒီန် ပအိူင်ကိုက်ခည်း ဘိူန်းဒေတိုည်းဟာဝ်း တိုအီးအီဒါခံင်မံဝ် (15)အီး ကာည်း အီကဇိူရ်ႈကယံင်း (1)အီး၊ ခေဲင်အိူင်အိုမ်ယ်ုရ် ဘိူန်းဒေတိုည်းဘိုး အီဒါခံင်မံဝ် (8)အီး။
မိုႈဘိုး ပအိူင်အေဲမ်ခြီရ် ဘိူန်းဒေတိုည်း တိုအီးအီဒါခံင်မံဝ်(54)အီး ကာည်း အီကဇိူရ်ႈကယံင်း (6)အီး။
ဘံန်ဟောည်ႇဒီန် ဖုင်ဒံန်ခြဲတြားဥပဒေဂဲ နံင်တိုန်းဟာဝ်း တိုအီးပ်ုန်ဘိူန်းဂဲဒေတိုည်း ဒီဂါင်ဘြဲဆားအချံင် ကာည်း ဆာ်မိုႈ တိုအီးအီလူည်ႇတာမ်အီုင်ဂ္လံတ်ဒါင်းဂဲဒိူန် နံင်ဒဲႈဂဲဇောဂေါည် ခေဲင်ကဘေဲမ်ဘည်ဒီန်။
အီဘိုန်ဒေဲႈ ခေဲင်ဆန်ုမ် 2024 ခေဲင်အူဆန်ုမ်နီး တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်းဒေတိုည်းဟာဝ်း တိုအီးအီကဇိူရ်ႈကယံင်းဒါခံင်မံဝ် ကပိုမ်ဂေါည် (1923)အီးထာန်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists