ကုင်တအာင်း၊ အိူင်အေဲမ်ခြီရ်၊ လှံင်မူစယ်၊ ခေဲင်ရဝ်နမ့်အွမ် ကောန်အီမာည်းအီအူ ဂေါႇအ်ုန်ဒါဂီုန်းခံင်ယိူည်ႇ ပဲန်အမူလာည်ကငေါႈယံမ်းအောႏ။

ကုင်တအာင်း၊ ပလှံင်မှိူမ်မီုတ် ကာည်း ခေဲင်လှံင်အေဲမ်ငူည် ပဲန်ငံရ်က္လိုႇ ဂါင်(3)ဂါင် ကစုကပိုမ်ချူမ်ဟာဝ်း ရိူန်း(300)ဆဲန်လေႈထာန်နီန်းအောႏ။

ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ်၊ ပရဝ်နားမံတ် ကောန်ကျောင်အူအီး လေႈကနိုက်ပအေဲမ်ခိုမ် စိုမ်အိုမ်ယံမ်းဟာဝ်းအောႏ။

ဖုင်ပလိက်ကုင်တအာင်းဂဲ ဘိူန်းတိုည်းအူန်း ဖုင်အီးတောပ်ဒေဘြားဆဲင်ကယ် ကူန်ရဝ်မာဂါင်ဂဲ အီမာည်း(5)အီး ပရဝ်ကုင်ကမာည်း၊ လှံင်အိုမ်ယ်ုရ်၊ ခေဲင်ကုင်တအာင်း။

ပလိက်ကုင်တအာင်းဂဲ တိုည်းအူန်း ကနာည်နံင်တိူဝ်ႈလာည်းအရေး တိုအီးလူည်ႇအမှုငံန် တေဲင်ကောန်ဒဲႇ အဆာက်ညှံမ်နိုက် ကောန်အီမာည်းအူအီး ပလှံင်အိုမ်ယ်ုရ် ၊ အိူင်အိုမ်ယ်ုရ်၊ ခေဲင်ကုင်တအာင်း။

ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်လံင်တာ့် ကောန်ဒဲႇ(2)အီး တိူဝ်ႈဒေကနိုက်မဴင် မဴင်ဒီန်စီပဒူႈ လံက်ဟာဝ်း ကတူႈဖေးဆဲဝ်ဒါင်း။

ကုင်တအာင်း၊ အိူင်မာဝ်းႎံင်း၊ လှံင်ဆဘော၊ ပဇံင်အိုက်စီန်း(အုတ်ကျင်း) ပဲန်ငံရ်က္လိုႇဟာဝ်း ကျောင်စဝ်အူကျောင်။

ကုင်တအာင်း၊ အိုမ်ဘြည်ကတာည်း တီုင်တံပ်ဒါင်း(6)၊ လှံင်မိူင်ယော်၊ ခမိုလောည်လီန်၊ ရဝ်မာန်ကာင်၊ ကောန်အီမာည်း(2)အီး တိူဝ်ႈဒေကနိုက်ပ္လေဒါင်း ပ်ုန်ညှံမ်ပဒူႈ ပ္လေဒါင်း ဒီန်စီပဒူႈ လံက်ဟာဝ်း(1)အီးယံမ်း၊ (1)အီး ကတူႈဖေးဆဲဝ်။

ဆန်ုမ်2025၊ ကျံရ်ဖိုန် ဆငည်း(20) အခိင်ခီညှာ(9)နြီဒိူန် ရေဲန်ဟောည်ႇဟာဝ်း ပ္လေါည်ပ္လိုတ်ကျောင် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း(Ta’ang Education Academy-TEA) လိူဝ်ႈအာရ် ပလှံင်အိုမ်ယ်ုရ်၊ ခေဲင်ကုင်တအာင်း။