ကုင်တအာင်း၊ ကနာည်ကျောင်ပနောဘေဲႇ ရေဲန်ပ္လေါည်ဝိူဝ်ႈထီ လိူဝ်ႈ(22)နီန် ကညားအီပ်ုတ်ဟာဝ်း ဆဲန်(500)ကညားအီပ်ုတ်ဟာဝ်းဒါင်း ဂေါည်လှံင်ရူကော ရဝ်ကိုန်ပါင် (ကုန်ပေါင်) ကောန်အီမာည်း (1)အီး။

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ကောန်အီပ်ုန်ဟြေဲဒါင်းဟိုက်ဇာရ်ဂဲ ခေဲင်ကျံရ်(3)နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(51)ရဝ်။

ကျံရ်(4)ဆငည်း(1) PSLF/TNLAတီုင်ဘြောင်ချှာင်ဂဲ ကာည်း ကော်မတီဖုင်ကပါင်ခြိူဝ်းတအာင်းT- CSOS ဝိူဝ်ႈဟာဝ်းဌာနအဆေဆိင်လှူ အီးကတူႈအီမ်ယာယူႈဟာဝ်း ကနာည်ကူန်ရဝ်မာဂါင်ပကုင်ဘြာန်။

ဖုင်ကဇောည်တိုအီးကုင်ခယ်ဂဲ ဒါကား (9)ကြောင် တာင်ဒေဲႈဂြိုကနာည် နံင်ကဇောည်ဒဲႈ တိုအီကတူႈဖေး ကီန်းဒည်း အီမ်ယာယူႈ ခေဲင်ကုင်ကပိုမ် ကဒါႇဆီုက်ဘြောန်ဇေဝ်ဂဲ ပဲင်ဟာဝ်း အောႊ။

ကုင်တအာင်း၊ အိူင်မာဝ်းဝံင်း၊ ပလှံင်မာဝ်းဝံင် ပလိက်ကုင်တအာင်းဂဲ ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန် (1)အီး ကာည်း ခံင်ယိူည်ႇ။

အခိင်ကူန်ရဝ်ဂါင်မာဂဲ ကတူႈဖေးအန္တရာယ် ခေဲင်ကုင်ဘြာန် ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF\TNLA ပလှံင်နောင်ချှို ပရဝ်ကျောက်ကြမ်းအောႊ။

ဆီုက်ဘြာန်ဇေဝ်ဂဲ ဒါယာန်ပ်ုရ်ပ္လေႈပ္လေဘျုင်ဘာည်းဒီန် စီလံက်ဟာဝ်း ဂါင်ဂေါည်ကူန်ရဝ်မာဂါင် (3)ဂါင် လူလှဲဝ်ႊဟာဝ်း တောပ်ဘိုး ကျောင်ပနောဘေဲႇ အာရ်ကျောင် ဂါင်တာတာန်ဆော် တာဆိုးတာန် ကာာည်း တာမျိုစူန် လူလှဲဝ်ႊဟာဝ်း။

ကုင်တအာင်း၊ လှံင်မူစယ်၊ ရဝ်မံန်ဟန် ကောန်အီမာည်းအူအီ စိဒါဓံရ်ပယံမ်းတိုပြီမ်ဒေအော။