ပလှံင်မာဝ်းႎံင်း ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် လံက်ဟာဝ်းငှေါနားကူန်ရဝ်မာဂါင်ဂဲ လူလှဲဝ်ႏ
10 September 2025
ပလှံင်မာဝ်းႎံင်း ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် လံက်ဟာဝ်းငှေါနားကူန်ရဝ်မာဂါင်ဂဲ လူလှဲဝ်ႏ
မာဝ်းႎံင်း၊ ကျံရ်တီမ် ဆငည်း(10)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်မာဝ်းႎံင်း၊ ခမိုနံမ်ဟူးတောင်း၊ ပရဝ်လောည်ခေါ် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုးပ္လေဘျုင် ထာန်ဇံန်(250)(3)ပိုင်း ကာည်း ဒရိုင်းပဴင်ပ္လေဘျုင်(2)ပိုင်း လံက်ဟာဝ်းငှေါနားကူန်ရဝ်မာဂါင်ဂဲ လူလှဲဝ်ႏ။
ကျံရ်တီမ် ဆငည်း(8) ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ အခိင်ခီညှာဇေဝ်း(12:31)မိနေတ်ဒိူန် ဂဲဒါယာင်ပ်ုရ် ပဴင်ပ္လေဘျုင်(3)ပိုင်း ကာည်း အခိင်(12:50)မိနေတ်ဒိူန် ဒါဒရိုင်းပဴင်ပ္လေဘျုင်(2)ပိုင်း ပရဝ်လောည်ခေါ် လံက်လူလှဲဝ်ႏဟာဝ်း ငှေါနားကူန်ရဝ်မာဂါင်ဂဲ။
ဘံန်ဟောည်ႇဒေဲႈ ကျံရ်တီမ် ဆငည်း(6)ဒိူန်မာ် ပလှံင်မာဝ်းႎံင်း၊ ဇံင်မျောက်ကိုင်း ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပ္လေဘျုင်ထာန်ဇံန်(250)(2)ပိုင်း လံက်ဂါင်ဂေါည် ကူန်ရဝ်မာဂါင်ဂဲ(5)ဂါင်။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် တောန်ဆငည်း ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်လောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists