ဖုင်ပလိက်ကုင်တအာင်းဂဲ ကာည်း ဖုင်တီုက်ယာ်ႈအရေးခံင်ယိူည်ႇ ဘိူန်းတိုည်း ကဲအီကဇိူရ်ႈကယံင်းခံင်ယိူည်ႇ(7)အီး၊ ဘိူန်းတိုည်း အီမိူဝ်ႈခံင်ယိူည်ႇ(3)အီး ကာည်း အီဒါခံင်ယိူည်ႇ(4)အီး ခေဲင်ကျံရ်အူကိူရ်နီန် ကုင်တအာင်း၊ အေဲမ်ခြီရ်၊ ရူကော၊ အိုမ်ယ်ုရ် ကာည်း အိုမ်ငျံရ်။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ ဆီုက်ဘြာန်ဂဲ ဒါထမေန်ရောတ်ဒေဲႈပဴင်ဟာဝ်းပ္လေဒါင်း ခေဲင်လှံင်မာဝ်းႎံင်း လံက်တိုအီးရဝ်(4)အီး၊ (15)အီးဒိူန်း ကတူႈဖေးဆဝ်းဒါင်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ လှံင်မာဝ်းဓံင်၊ လှံင်မိူင်းကူတ် ဆငည်း25 အခိင် ခီညှာ(5:30)မိနေတ်ဒိူန်း ဆီုက်ဘြာန်ဂဲ ကာည်း တံပ်အွံရ်ပ်ုန်လောတ်ကပီုန်တအာင်းPSLF/TNLA ပဲန်ဟာဝ်းကတီုက်ကပဴင် ခေဲင်ကတီုက်ကပဴင်ဒီန် လံက်ဟာဝ်းတိုအီးရဝ်(5)အီး (2)အီးယံမ်း (3)အီး ကတူႈဖေးဆဝ်းအောႏ။
ကုင်တအာင်း၊ အိူင်အိုမ်တမာဝ်း၊ လှံင်မူစယ်၊ ရဝ်မိူင်းယု(105)လှံက် . ဂေါ,ကြာ,ဟယ်အူတို တော,ဟိုက်တော,လေ; ဒေဒူ;တိုအီး ကောန်အီပ်ုန်အူအီးယံမ်း (19)အီးကတူ;ဖေးဆဝ်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်မိူင်းကူတ် ဂေါ,ဆီုက်ဘြာန်ဂဲ ဒါဒရိုင်းပဴင်ဟာဝ်း ကဒါ, ရဝ်ပိင်ပီတ် လံပ်ဟာဝ်းကျောင်စဝ်လူလှဲဝ်;ဟာဝ်းအောႏ။
ကုင်တအာင်း၊ အိူင်လာဆေဝ်၊ လှံင်လာဆေဝ် ဇံင်(7) အရာပ်(6) ရအာန်လူမ် ဂြူဆီုက်ကီုတ်ဒီန် စီပဒူ:လံက်ဟာဝ်း ကောန်ဒဲ့အဆာက်(12)ဆန်ုမ်အူအီး တည်းအာရ်ကဒါ,ကပ်ုက် (3)အီးဒိူန်း ကတူ;ဖေးဆဝ်းဒါင်းအောႏ။
ပ်ုန်ဒီရ်;ဂီုန်း
