03 November 2026

ဖုင်ပလိက်ကုင်တအာင်းဂဲ ဘိူန်းတိုည်း ကဲအီကဇိူရ်ႈကယံင်းခံင်ယိူည်ႇ(7)အီး၊ ဘိူန်းတိုည်း အီမိူဝ်ႈခံင်ယိူည်ႇ(3)အီး ကာည်း အီဒါခံင်ယိူည်ႇ(4)အီး ခေဲင်ကျံရ်အူကိူရ်နီန်

အေဲမ်ခြီရ်၊ ကျံရ်ကိူရ်အူ၊ ဆငည်း(3)
ဆဒါင်ကုင်တအာင်း

ဖုင်ပလိက်ကုင်တအာင်းဂဲ ကာည်း ဖုင်တီုက်ယာ်ႈအရေးခံင်ယိူည်ႇ ဘိူန်းတိုည်း ကဲအီကဇိူရ်ႈကယံင်းခံင်ယိူည်ႇ(7)အီး၊ ဘိူန်းတိုည်း အီမိူဝ်ႈခံင်ယိူည်ႇ(3)အီး ကာည်း အီဒါခံင်ယိူည်ႇ(4)အီး ခေဲင်ကျံရ်အူကိူရ်နီန် ကုင်တအာင်း၊ အေဲမ်ခြီရ်၊ ရူကော၊ အိုမ်ယ်ုရ် ကာည်း အိုမ်ငျံရ်။

ပလှံင်အေဲမ်ခြီရ်၊ ဘံန်ဟောည်ႇဒေဲႈ ကျံရ်အူကိူရ်၊ ဆငည်း(1) ဂေါႇမိုႈ ဘိူန်းဆဒါင် ဒါႈမိူဝ်ႈအီဒါခံင်ယိူည်ႇ ကာည်း အီကရိူရ်ႈကယံင်းခံင်ယိူည်ႇ ဖုင်တီုက်ယာ်ႈအရေးခံင်ယိူည်ႇဂဲ စိဟာဝ်းစေတ်မေန်း ယိူဝ်း တာအိုက်ဆမ် ဘိူန်းအဆာက်(45)ဆန်ုမ် ကာည်း ယာမိုးမိုးအေး တောႇခံင်ယိူည်ႇလူည်(12.2) ဂရမ်၊ ႎှုင်(3)ပိုင်၊ ခေဲင်ဇံင်ကုင်ဆာ တာယုင်နာည် ဘိူန်းအဆာက်(46)ဆန်ုမ် တောပ်ခံင်ယိူည်ႇလူည် 203.4ဂရမ်၊ ကအာင်ယာမ 358.6ဂရမ်၊ ႎှုင်(1)ပိုင်၊ ဆဲင်ကယ်(1)ကြောင် ကာည်း ကနံဝ်းတိုပိုင်(1)လှေ ဘိူန်းတိုည်းဆီမ်းဟာတ်းဒိုႇအောႏ။

မိုႈဘို ပရဝ်ပါင်မန် ဘံန်ဟောည်ႇဒေဲႈ ကျံရ်အူကိူရ်၊ ဆငည်း(7) ဖုင်ပလိက်ကုင်တအာင်းဂဲ ဘိူန်းဆဒါင် ဒါႈမိုႈအီကရိူရ်ႈကယံင်းခံင်ယိူည်ႇ စိဟာဝ်းစေတ်မေန်း ပဂါင် တာခွေချံမ် ဘိူန်းအဆာက်(၆၀)ဆန်ုမ် ခံင်ယိူည်ႇလူည်ႇ (၁၃.၀)ဂရမ်၊ ကအာင်းယာမ(128)ကအာင်း၊ ရိူန်း(250000)ဆဲန် ကာည်း ႎှုင်(1)ပိုင် ဘိူန်းတိုည်းဆီမ်းဟာဝ်းအောႏ။

မိုႈဘို ပရဝ်ကျန့်ကွင်း ဘံန်ဟောည်ႇဒေဲႈ ကျံရ်အူကိူရ်၊ ဆငည်း(31) ဖုင်ပလိက်ကုင်တအာင်းဂဲ ဘိူန်းဆဒါင် ဒါႈ မိူဝ်ႈအီကဇိူရ်ႈကယံင်းခံင်ယိူည်ႇ စိဟာဝ်းစေတ်မေန်း ဘိူန်းတိုည်း တာယာန်ဖူးကျွတ် ဘိူန်းအဆာက် (51)ဆန်ုမ်၊ ဘိူန်းတိုည်းခံင်ယိူည်ႇ ခေဲင်ဂါင်ဂေါည် ခံင်ယိူည်ႇလူည် (145)ဂရမ်၊ ခံင်ယိူည်ႇႎံင်း (150)ဂရမ်၊ ကအာင်ယာမ(151)ဂရမ် ကာည်း တောႇဘိုဂြူပ်ုန်တောပ်ခံင်ယိူည်ႇ တောန်နဲ အောႏ။

ဆဲႈဒီန် ဘံန်ဟောည်ႇဒေဲႈ ကျံရ်အိူကိူရ်၊ ဆငည်း(7) ပလှံင်ရူကော၊ ဇံင်ဟိုခို ဆိင်ဘိူန်းဆဒါႇ ဒါႈမိူဝ်ႈအီအူန်းခံင်ယိူည်ႇခေဲင်ဂါင်  ဂေါႇဘည်ဒီန် ဖုင်ပလိက်ကုင်တအာင်းဂဲ စိဟာဝ်းစေတ်မေန်း ဘိူန်းတိုည်း ယာအေစိင် ဘိူန်းအဆာက်(49)ဆန်ုမ် ယိူဝ်ႈတောႇ ခံင်ယိူည်ႇ ယာမ-WY(250)ကအာင်း အောႏ။

ပလှံင်အိုမ်ယ်ုရ်၊ ရဝ်ပိုႈဂို ဘံန်ဟောည်ႇဒေဲႈ ကျံရ်အူကိုရ်၊ ဆငည်း(18) ဘိူန်းတိုည်း တာယည်လှကျော် ဘိူန်းအဆာက်(47)ဆန်ုမ် တောပ်ခံင်ယိူည်ႇလူည်(6.2)ဂရမ် ကာည်း ကအာင်းဆနံမ်ပ်ုန်နောႈမှည်(165)ကအာင်း၊ ဆာ်ႈမိုႈ တာအိုက်ဆောင်ဒီန် ဘိူန်းတိုည်းတောပ် ခံင်ယိူည်ႇလူည်(15.4)ဂရမ်၊ ကအာင်းဆနံမ်ပ်ုန်နောႈမှည်(314)ကအာင်း၊ ကာည်း ႎှုင်(1)ပိုင် ဘိူန်းတိုည်းဆီမ်းဟာဝ်း ဆဲႈဒီန် ဘိူန်းတိုည်းဘို အီဒါခံင်ယိူည်ႇ တာအဒါး ဘိူန်းအဆာက်(24)ဆန်ုမ်၊ မာည်းအံင်ခဲင် ဘိူန်းအဆာက်(21)ဆန်ုမ် ကာည်း မာည်းအိုက်စိင် ဘိူန်းအဆာက်(18)ဆန်ုမ်။

ကျံရ်အူကိူရ်၊ ဆငည်း(21) ပလှံင်အိုမ်ငျံရ်၊ ရဝ်ပါင်ဝိုး အခိင် ဖုင်ပလိင်ကုင်တအာင်းဂဲ ရေဲန်ဇီုင်းကာန်စေတ်မေန်း ဘိူန်းတိုည်း အီဒါခံင်ယိူည်ႇ တာမျိုးမံင်အူး ဘိူန်းအဆာက်(36)ဆန်ုမ်၊ ဒေင်လေႈကဒါႇ မိူင်းယေန် လေႈ အိုမ်ငံရ် ဘိူန်းတိုည်း တာဇော်ဘောတ် ကာည်း တာအိုက်စို တောႇခံင်ယိူည်ႇလူည်(26)ဂရမ် ကာည်း ကအာင်းဆနံမ်ပဲန်နောႈမှည်(1)ထုတ်။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေး‌တောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။

Website Official
www.taangland.org

Telegram Official Channel
https://t.me/pslftnlanews

Telegram Link – Ta’ang TV
https://t.me/pslftnlaTaangTV

YouTube Official
https://www.youtube.com/@pslftnlanews

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း