304
ဆီုက်ဘြာန်ဂဲ ကာည်း တံပ်နာန်းတအာင်းTNLA ပဲန်ဟာဝ်းကတီုက်ကပဴင် ခေဲင်လှံင်(3)လှံင်ဒီန် တိုအီးရဝ်(2)ယံမ်း (3)ကတူႈဖေးဆဝ်
ဒေသတွင်းသတင်း
/ Myanmar's Crisis & The World TA
26 June 2024
ဆီုက်ဘြာန်ဂဲ ကာည်း တံပ်နာန်းတအာင်းTNLA ပဲန်ဟာဝ်းကတီုက်ကပဴင် ခေဲင်လှံင်(3)လှံင်ဒီန် တိုအီးရဝ်(2)ယံမ်း (3)ကတူႈဖေးဆဝ်း
ဆန်ုမ်2024၊ ကျံရ်တောရ်၊ ဆငည်း26
ဆဒါင်ပ္လေဲဝ်အခွါင်းအရေး
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ လှံင်မာဝ်းဓံင်၊ လှံင်မိူင်းကူတ် ဆငည်း25 အခိင် ခီညှာ(5:30)မိနေတ်ဒိူန်း ဆီုက်ဘြာန်ဂဲ ကာည်း တံပ်အွံရ်ပ်ုန်လောတ်ကပီုန်တအာင်းPSLF/TNLA ပဲန်ဟာဝ်းကတီုက်ကပဴင် ခေဲင်ကတီုက်ကပဴင်ဒီန် လံက်ဟာဝ်းတိုအီးရဝ်(5)အီး (2)အီးယံမ်း (3)အီး ကတူႈဖေးဆဝ်းအောႏ။
အခိင် ခီညှာ(8:30)မိနေတ် ဆီုက်ဘြာန်ဂဲ ပဴင်လီပ်ပ္လေဒါင်း ခေဲင်လှံင်မာဝ်းဓံင်း ဇံင်(8) ပ္လေဒါင်းစီဇာႈပဒူႈတေဲင်ဂါင်အူဂါင်ဒီန် လံက်ဟာဝ်း တိုအီးရဝ်အ်ုန်အီဇီုင်း တာကိုမျိုး အဆာက်(42)ဆန်ုမ်ယံမ်းဟာဝ်း ကာည်း တိုအီးရဝ်အဆာက်(44)ဆန်ုမ်အူအီး ကတူႈဖေးဆဝ်းဒါင်းအောႏ။
မိုႈဘိုး နန်းအွမ်ငင်း အဆာက်(14)ဆန်ုမ် ဂေါည်ရဝ်ပါင်ပေါင်း ကာည်း ကောန်အီမာည်းအူအီး အ်ုန်အီးနှံက်လိုင်းအျံရ် ရဝ်နာအခံမ်း ကတူႈပ္လေဆာနတ်လံက်ယံမ်းဟာဝ်း။ မိုႈဘိုး ပဇံင်(9) ကောန်အီပ်ုန်အူအီးမာ် ကတူႈပ္လေဆာနတ်လံက်ယံမ်းအောႏ။
ဂေါ,ဆီုပ်ပေန်ဟာဝ်းကတီုက်ကပဴင် လှံင်မိူင်းကူတ်၊ လှံင်နောင်ချေဲဝ် ကာည်း လှံင်မာဝ်းဓံင်ဘည်ဒီန် ကူန်ရဝ်မာဂါင်ဂဲ ကတူႈဒဲဝ်းဖေးနာန်းအောႏ။
#PSLF /TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Topics:
ဆီုက်ဘြာန်ဂဲ ကာည်း တံပ်နာန်းတအာင်းTNLA ပဲန်ဟာဝ်းကတီုက်ကပဴင် ခေဲင်လှံင်(3)လှံင်ဒီန် တိုအီးရဝ်(2)ယံမ်း (3)ကတူႈဖေးဆဝ်
ဘည်တိူရ်;လိူရ်;ယိူ၀်းမည်း
Comment Lists