ပ်ုန်ကယေင်ဒေဝိူဝ်;ဟာဝ်း ဘေဲ,လူမ်တအာင်းနီးမို; နှာင်အယ်နံပ်ဒေကမေဲ;ထုင်မှိူမ်ဘေဲ,ဘာန်းအယ်၊ ဆိင်ဒဲ; ခြိူဝ်းမျိုးအယ်တအာင်းအီဂေါည်ခေဲင်ကုင်တအာင်း မှောကံပ်နံပ်ဒို,ဘေဲ,လူမ်တအာင်း၊ နံင်ရီန်းရီတ်ဒေထုက်လေ; ဆာပေတအာင်း ကနာည်ကောန်ဒဲ့အီယိူဝ်,ဘံန်း နံင်ဂဲဘိူန်းဒေဒီရ်;

ဂဲကမိုန်ဟာဝ်း ကနာည်လောင်နံင်ရံရ်; တာမ်တားတီုင်ဘြောင်ချှာင်၊ တားဘြောင်ချှာင်၊ ကနာည်လံပ်ပိင်ငျာ ကောန်ဒဲ့၊ ဘည်ဘာည်းအရေးတီုင်ကုင်ကဇေန်နီး၊ ဒဲ;နံပ်ဘည်လောင်ဒံန်ခြဲမဲင် ကာည်း ကနာည်အရာပ်အရာဟိုက်ဇာရ်

 ကနာည်ကူန်ရဝ်မာဂါင်ဂဲ ဘိူန်းဒေဟာဝ်းချှီ,ဓီရ်ချှီ, စီပဲန်ဘြဲဆားတာတ်ပ္လါရ်;ဟာဝ်း ဒေင်ကွံန်ကြီတ် ကဇေန်နီး အူရဝ်တောအူရဝ်မာ် ဟောည်,ဘိူန်းဒေဟာဝ်းငိူည်

ခေဲင်ပါင်ကတူႈကငျာဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဒါင်း ခူန်ချုဒါင်း တားအဘုင် ၊ တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ တားတီုင်အွံရ်ဆီုက် ခူန်ချု တားဟိူဝ်ပ္လါင်ဂဲ ဟိုက်ရောတ်က္လာင်းဟာဝ်းကြောႈတံမ်း

   ခေဲင်ပါင်ကတူ;ကငျားဒီန် ကူန်ရဝ်မာဂါင် ဝါဝည်းကောန်တီုင်ကုင် ခြိူဝ်းမျိုးဆျံမ်၊ ခါင်း၊ ချင်း၊ ယာင်ရေင်၊  ဘြာန်၊ လီဆူ၊ ဂေါ်ရခါး၊ ခယ် ဂဲမာ်ဟိုက်ရောတ်စာမ်း

   ဘံန်နံင်ဝိူဝ်;ဟာဝ်း ကျောင်တအာင်းဥပဒေလိူဝ်;ဘံန်းနီန် လိုမို;ခြိူဝ်းမျိုးဆေမှောမာ် ယဲရံပ်ရို;ခိုည်းအူန်း ကာည်း ဂဲအီနံင်ဟိုက် ဒဲ;အ်ုန်မို; ကဲအီဟောည်,အံင်ဘေဲ,တက္ကသိုလ်အောႏ။

PSLF/TNLA ဖုင်ဒံန်ခြဲတြားဥပဒေဂဲ နံင်တိူဝ်;လာည်းဟာဝ်းအရေးဒါင်းဒါင်း တကညာအီဒူ;ဆဲင်ကယ်ဒီန် တောပ်လိူည်ဘာည်းဥပဒေတြား

ဂေါ,မဲင်တီ,အူန်းဆီုက်ဘြာန် ကူန်ရဝ်မာဂါင်ဂဲ ဂေါည်​​​ဂေါည်ဒေကတူ;ညဲ့မဲင် ယံမ်းဟာဝ်းမာ် ဟည်ဘ္လမ်းခည်ခည်း

တံပ်အွံရ်ပ်ုန်လောတ်ကပီုန်းတအာင်းPSLF/TNLA တဒေဆီမ်းဟာဝ်း လှံင်အိုမ်ငျံရ်ဒီန် ဂဲနံင်ရီန်းရဲတ်ဒေ ဘြောင်ချှာင်ဟာဝ်း တောပ်လိူည် ဘည်ယန္တရား PSLF/TNLA ကာည်း နှာင်းငိူပ်မေန်းဟာဝ်း ခေါခါႇကူန်ရဝ်မာဂါင်ဂဲ ကတီးကရီးအောႏ။