ဆဲႈဒီန် ကနာည် အီမိုႈဆူနာ ဘ်ုပ်ရောဂါ အိတ်ခ်ျအိုင်ဗွီ (HIV) နှာင်းစေတ်မေန်းဒဲႈဟာဝ်း ကတောမ် ကာည်း မာဝ်းလာတ် (Function) ဟောည်ႇဒီန် နှာင်းကဇောည်ဒဲႈဟာဝ်းဆနံမ်းဟောမ်-ARTဘည်နှဲရဒေင်ပ္လချအူန်း ဆြာဆနံမ်။ ဆူနာဂဲ အီဘ်ုပ် ရောဂါတီဘီ (TB) ကာည်း အိတ်ခ်ျအိုင်ဗွီ (HIV)ဂဲဒီန် မာ်အာဝ်ကတ်ုတ်ကဘြီူရ်ႈ ဘိူန်းဒေဆနံမ်းဟာဝ်းလလမှီူမ်မှီူမ် ငိူပ်မေန်းထာန်ဒိုင်းဒေင်အ်ုန် ယုင်ဆနံမ်းဂဲ နှာင်းကဇောည်ဒဲႈဟာတ်း စရိက်ဒေင်။
ဒီရ်;ကဇေန်နီး
ကုင်တအာင်း ၊ အိူင်အိုမ်ယ်ုရ် ၊ ဆီုက်ဘြာန်ဂဲ ကယေင်ပဴင်ဟာဝ်း ကူန်ရဝ်မာဂါင် ဂဲဒါထမီန် ရောတ်ဒေဲႈပဴင် ပ္လေဘျုင် ခေဲင်ပလှံင်နောင်ချေဲဝ် (13)ပိုင်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်ဆဘော၊ ဇံင်တိုင်ဆီင့် အခိင်ကငျားဂါင်ဂဲ ဝဲႈဒဝ်းဖေးနာန်း ညားငံရ်ကဆူမ်းဟာဝ်း ဂါင် (1)ဂါင်အောႏ။
ကုင်တအာင်း ၊ အိူင်မာန်အော်မ်၊ ပလှံင်အေဲမ်ခြီရ်၊ ဆီုက်ဘြာန်ဂဲ ကယေင်ပဴင် ကူန်ရဝ်မာဂါင်ဂဲ ဒါပ္လေလာက်နာက်အီရဲင်ဘ္လောမ် ပ္လေထာန်ဇံန်(500) ဒေဲႈပဴင် (2)ပိုင် ခေဲင်လှံင်အေဲမ်ခြီရ်အောႏ။
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဂေါႇဆီုက်ဘြာန်ဂဲ လီလာပဴင်ပ္လေဒါင်း လံက်ဟာဝ်း တိုအီးရဝ် ကောန်အီမာည်(1)အီးယံမ်း ကာည်း ကောန်အီပ်ုန်(1)အီး ကတူႈဟာဝ်းဖေးဆဝ်းအောႏ။
ပ်ုန်ဒီရ်;ဂီုန်း
