ပလှံင်မိုဂူႈ PSLF/TNLA တီုင်ဒံန်ခြဲတြားဥပဒေဂဲ ဘိူန်းဒေတိုည်းအူန်း တိုအီးကဇိူရ်ႈကယံင်း ဒါခံင်မံဝ် (300)အီး
20 December 2024
ပလှံင်မိုဂူႈ PSLF/TNLA တီုင်ဒံန်ခြဲတြားဥပဒေဂဲ ဘိူန်းဒေတိုည်းအူန်း တိုအီးကဇိူရ်ႈကယံင်း ဒါခံင်မံဝ် (300)အီး
ဆန်ုမ်2024၊ ကျံရ် (12) ဆငည်း(20)
ကုင်တအာင်း၊ အိူင်အိုမ်ယ်ုရ်၊ ပလှံင်မိုဂူႈ PSLF/TNLA တီုင်ဒံန်ခြဲတြားဥပဒေဂဲ ဘိူန်းဒေတိုည်းအူန်း တိုအီးကဇိူရ်ႈကယံင်း ဒါခံင်မံဝ် (300)အီးအောႏ။
ခေဲင်ဆန်ုမ် 2024 ဇူႈကျံရ် ပူရ် ရောတ် ကျံရ်ကိူရ်အာရ် ဆငည်း (19)နီန် တီုင်ဒံန်ခြဲတြားဥပဒေဂဲ ရေဲန်ဇီုင်းကာန်တီုက်ယာႈ အရေးခံင်မံဝ် ခေဲင်လှံင်မိုဂူႈ စီဘိူန်းဒေတိုည်းအူန်း တိုအီးကဇိူရ်ႈကယံင်း ကာည်း ဒါခံင်မံဝ် ဂီုန်းပွံတ်အခည်းအောႏ။
ခေဲင်ကဲဒီန် ဆိင်ခည်ဘြောင်ချှာင်ဆီုက်ဘြာန် ဂဲဒဲကဲဟောမ်ခံင်မံဝ် စီထိဝ်းဂဲလာည်းဆဒါင် ဘည်ဟာဝ်းဝီရ် ဘဝ်ကီုတ့်ဒါင်းဂဲအောႏ။
ဆဲႈဒီန် တံပ်နာန်းတအာင်း PSLF/TNLAဘိူန်းဒေဆီမ်း လှံင်မိုဂူႈ ခေဲင်လံပ်တီုက်နာန်း ဒေါန်(2) ခေဲင်လှံင်မိုဂူႈဒီန် အခိင်ဂဲရေဲန်ဇီုင်းကာန် တီုက်ယာႈအရေးခံင်မံဝ် စီဘိူန်းဒေတိုည်း တိုအီးကဇိူရ်ကယံင်း ကာည်း အီဒါခံင်မံဝ် ဂေါည်ပွံတ် (300)အီးအောႏ။
ဘံန်ဟောည်ႇဒီန် စီတိုန်းဟာဝ်း တိုအီးအီဒါခံင်မံဝ်ဂဲ ဒီဂါင်ဘြဲဆားအချံင် နံင်ဘြဲဆားဒဲႈဟာဝ်းအချံင်ကဲ (6)ကျံရ်ကတီးကရီး ဆာ်မိုႈ တိုအီးကဇိူရ်ႈကယံင်းခံင်မံဝ် နံင်တိူဝ်ႈလာည်းဟာဝ်းအရေးတဂဲ တောပ်လိူည်ဘည်ဥပဒေအောႏ။
PSLF/TNLAတီုင်ဒံန်ခြဲတြားဥပဒေဂဲ မိုႈဖုင်အူဖုင် အီရေဲန်ဇီုင်းကာန် ကနာည်အရာပ်ရာရဝ်နံင်ဂေါည်ဆာယာချှီႇတခိူည်း၊ ဇီုင်းကာန်ဒံန်ခြဲတြားဥပဒေ၊ ကနာည်နံင်ရေဲန်အကျိုးကူန်ရဝ်မာဂါင်၊ ဇီုင်းကာန်တီုက်ယာႈအရေးခံင်မံဝ်၊ ဇီုင်းကာန်ကနာည်ဘ္လီုက်လှူပ်ကူန်ရဝ်မာဂါင် ဇီုင်းကာန်(5)နဲကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရေးခံင်မံဝ်
Comment Lists