696
ပရဝ်ကောင်းခါးမာန်ပေင်းဒီန် ကောန်တဘိုက်ခါင်းကာည်း ဆီုက်KIAဂဲ တိုက်ဝီရ်ဟေင်အီဂေါည်အူန်း တပြောကတံဝ်ကဆာႈ
ဒေသတွင်းသတင်း
19 December 2024
ပရဝ်ကောင်းခါးမာန်ပေင်းဒီန် ကောန်တဘိုက်ခါင်းကာည်း ဆီုက်KIAဂဲ တိုက်ဝီရ်ဟေင်အီဂေါည်အူန်း တပြောကတံဝ်ကဆာႈ
ဆန်ုမ်2024၊ ကျံရ်(12) ဆငည်း(19)
ကုင်တအာင်း၊ အိူင်အိုမ်ခြိုင်၊ လှံင်အေဲမ်ကိုက်၊ ပရဝ်ကောင်းခါးမာန်ပေင်းဒီန် ကောန်တဘိုက်ခါင်းကာည်း ဆီုက်KIAဂဲ တိုက်ဝီရ်ဟေင် တိုအီးရဝ် အီဂေါည်အူန်း တပြောကတံဝ်ကဆာႈအောႏ။
ရဝ်မာန်ပေင်းဒီန် ကဲရေဲန်ဟောမ်ဇီုင်းကာန် တိုက်ကဆာႈ ကာည်း ဇီုင်းကာန်ဂေတ်ဟေင် ကောန်တဘိုက်ခါင်းကာည်း ဆီုက် (KIO/KIA) ဂဲ ပ္လေဲဝ်းဟာဝ်းအခွါင်းအရေး မှာန်းရိူန်းတေဲင်ကူန်ရဝ်မာဂါင်ဂဲအောႏ။
ခည်မိုႈ ကျံရ် (11) ဆငည်း (25) ဒိူန်း ဆီုက် KIAဂဲ မှာန်းရိူန်း တယားပေါည် အီရေဲန်ဒေဟောမ်ဇီုင်းတိုက်ကဆာႈ ဂဲအီအာဝ်ဘယ်ဒဲရိူန်း ဂဲစီလူလှဲဝ်ဝီရ် ကတံဝ်ကဆာႈ ယားမာစေင်၊ တားညှီီကွယ်၊ တားအာည်ချန်၊ တားကူန်ယူန်၊ ယားအေကျာ ကာည်း တားအာည်မျီတ် ဂဲတိုက်ဝီရ်ဘိုး ဟေင်ယားအာမ်ဆာ (4)တံပ်အောႏ။
အခိင်ကဇေန်နီန် ကဒါႇကုင်ခယ်ဂဲ ဘိကူမ်အာဝ်ဘိူန်းပလီပ် ကဆာႈ၊ ဆဘေ၊ နံမ်မည်း ကူန်ရဝ်မာဂါင်ဂဲ အီရေဲန်ဒေဟောမ် ဇီုင်းကာန်ကဆာႈကဲနီး ဂေါႇအာဝ်ဘိူန်းဒေယံင်းကဆာႈ ကနာည်ဟောမ်ဟာပ် မိူဝ်ႈပွံတ်ကီန်းဒည်းအခည်းအောႏ။
လှံင်အေဲမ်ကိုက် ပရဝ်ကောင်းခါးမာန်ပေင်း ဂေါႇအ်ုန်ဂေါည်ကစာပ်ရဝ် ဂေါည်ဂေါည်ပဲန်ပျဆနာ လောင်ပျဆနာကဲဒီန်မာ် အ်ုန်ဇူႈ ဆန်ုမ် 2021 ရောတ် ဆန်ုမ် 2023ဒိူန်း တားဘြောင်ရဝ် ခမိုကာည်းရဝ် စီဘယ်ဒေဆာင်လာင်ဟာဝ်းဒီန်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်အရာပ်အရာ
Topics:
ပရဝ်ကောင်းခါးမာန်ပေင်းဒီန် ကောန်တဘိုက်ခါင်းကာည်း ဆီုက်KIAဂဲ တိုက်ဝီရ်ဟေင်အီဂေါည်အူန်း တပြောကတံဝ်ကဆာႈ
ဘည်တိူရ်;လိူရ်;ယိူ၀်းမည်း
Comment Lists