တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ဘိူန်းတိုည်းတိုအီး ဒါခံင်ယိူည်ႇ အီပ်ုန်(1)အီးကာည်း အီမာည်း(2)အီး ပလှံင်ရူကော၊ အိူင်အိုမ်ယ်ုရ်၊ ခေဲင်ကုင်တအာင်းအောႏ။

ဘံန်ဟောည်ႇဒေဲႈ ကျံရ်ကိူရ်အူ ဆငည်း(13) အခိင်စူန်အံပ်(4:00)နြီဒိူန် ကဝ်အီဇီုဝ် တာကောလိယ အဆာက်(64)ဆန်ုမ် ဂေါည်ပရဝ်ဆာန်ဖေက် ငျားညဲ့မဴင်တီႇ ပဆဲင်ဘုက်ဒီလီပ်လှံင်ဆဘော ဇိူင်ကဒါႇလံပ်တံမ် ကာည်း တည်းကဒါႇလံပ်တံမ် ကတူႈဖေးဘာတ်။

တံပ်အွံရ်ပ်ုန်လောတ်ကပီုန်တအာင်း-PSLF/TNLA အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်းတိုအီးဒါခံင်ယိူည်ႇ(5)အီး ပလှံင်မိုဂူႈ၊ အိူင်မိုဂူႈ ၊ ခေဲင်ကုင်တအာင်း။

ဘည်မို;အ်ုန် ကျံရ်ကိူရ်အူ ဆငည်း(9) အခိင်ရမှိူဝ်(11:30)မနေဲတ်ဒိူန် ကားတာင်ကူမ်အူကြောင်ဒီန် စီယိူဝ်, လှံင်အေဲမ်ခြီရ် ဒါႈနံင်ဟာဝ်း ကဒါႇအေဲမ်ငူည် အခိင်ရောတ်‌ဒဒေင်လေႈဇူးဒိူန် ဂေါႇမိုႈအာဝ်ဘယ်ထိဘရိတ် ပဲန်ကပ္လါႇဟာဝ်းဘည်ဒီန်။

ကုင်တအာင်း၊ ပလှံင်ကိုက်ခည်းကာည်း လှံင်ရူကော တံပ်အွံရ်ပ်ုန်လောတ်ကပီုန်တအာင်း- PSLF/TNAL ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ကယံင်းခံင်ယိူည်ႇ အီပ်ုန်(2)အီး ကာည်း အီမာည်း(4)အီး။

တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ ဘိူန်းတိုည်း အီဒါခံင်ယိူည်ႇ(6)အီး ပလှံင်မိူင်လိုင်၊ အိူင်မိုဂူႈ၊ ခေဲင်ကုင်တအာင်း။

ကုင်တအာင်း၊ ပလှံင်ဆဘော၊ အေဲမ်ငူည်း၊ ကိုက်ခည်း၊ မိုဂူႈ၊ မိူင်လိုင် ကာည်း ပလှံင်မိူင်ယော် ခေဲင်ကျံရ်အူကိူရ်နီန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(9)အီး ကာည်း အီဒါခံင်ယိူည်ႇ(23)အီး။

ကုင်တအာင်း၊ ခေဲင်အူကျံရ်ကိူရ်နီန်း ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ်ကာည်းဒရိုင်း ပဴင်ပ္လေဘျုင် လံက်ဟာဝ်း စဝ်ဆာင်ခါ(2)ပါး၊ ကောန်ဒဲႇ(10)အီး၊ ကောန်အီမာည်း(16)အီး ကာည်း ကောန်အီပ်ုန်(21)အီးယံမ်း၊ စဝ်ဆာင်ခါ (6)ပါး၊ ကောန်ဒဲႇ(26)အီး၊ ကောန်အီမာည်း(20)အီးကာည်း ကောန်အီပ်ုန်(19)အီး ကတူႈဘာတ်၊ လံက်လူလှဲဝ်ႏဟာဝ်းဘိုး ဂါင်ဂေါည်(173)ဂါင်၊ ကျောင်ပနောဘေဲႇ(5)ကျောင်၊ ကျောင်စဝ်(7)ကျောင်၊ ႎှါင်းကျောင်(9)ႎှါင်း၊ ဂါင်ႎါႈ(6)လှေ၊ လိုင်းဒီဟျံင်အျံရ်(2)လိုင်း၊ ဆဴင်ခါန်း(5)ခါန်း၊ ယုင်စာက်မျံမ်(1)ယုင်၊ ဆဲင်ကယ်(4)ကြောင်ကာည်း ကား(10)ကြောင် လူလှဲဝ်ႏ။

ပါင်ကမိုန်ကတူႈကငျားလိူဝ်ႈ(9)နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်အီအွံရ်က်ုန်ရံရ် တာမ်ခူန်ချုဒါင်း တားဇိုက်ဇာရ်ကာည်း အီအွံရ်က်ုန်ရံရ်ကဒါႇဘြာန်(NSPNC) တာမ်ခူန်ချုဒါင်း တားကိုကိုအူးကဲ ခည်မိုႈ ဆန်ုမ် 2025၊ ကျံရ်အူကိူရ် ဆငည်း(27-28)ဒိူန် ဂေါႇမိုႈဘည်ချှာင်ဒဲႈ မစ္စတာတိန့်ရှီကျွင်း အီအွံရ်က်ုန်ရံရ်ကုင်ခယ်ကဲ ကတူႈကငျားကမိုန် ဒါႈဇံင်းကတီုက်ကပဴင် ဂြီရ်ႈဟောည်ႇရောည်တည်း ကဲရေဲန်ဟာဝ်း ပလှံင်ကူမီန်း၊ ကပီုန်ယူနန်၊ ပကုင်ခယ်အောႏ။