အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်းတိုအီးဒါခံင်ယိူည်ႇ(5)အီး ပလှံင်မိုဂူႈ
17 November 2025
အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်းတိုအီးဒါခံင်ယိူည်ႇ(5)အီး ပလှံင်မိုဂူႈ
မိုဂူႈ၊ ကျံရ်ကိူရ်အူ၊ ဆငည်း(17)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်းတိုအီးဒါခံင်ယိူည်ႇ(5)အီး ပလှံင်မိုဂူႈ၊ အိူင်မိုဂူႈ ၊ ခေဲင်ကုင်တအာင်း။
ဘံန်ဟောည်ႇဒေဲႈ ကျံရ်ကိူရ်အူ ဆငည်း(12)ဒိူန် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ဘိူန်းတိုည်း တာနေမျိုးသူ ကာည်း တာဟေင်ထဲက် ဂေါည်ဇံင်ဆျှိုည်ဂူ၊ ၊ တာယဲမာန်ထဲက် ဂေါည်ဇံင်အံင်သာယာ၊ မံင်ယဲမီန်း အဆာက်(20)ဆန်ုမ် ဂေါည်ဇံင်အံင်နီလာကာည်း တာစော်ညီညီ အဆာက်(35)ဆန်ုမ် ဂေါည်ဇံင်ညောင်တိုင်းပီန်၊ ဘိူန်းတိုည်းကဂေါပ်တောပ်ကဲ ဖိင်လူည်းဟံပ်ခေဲင်ကဘဲဝ်အိုမ်ကဆနံမ်း(1)ကဘဲဝ်၊ ကအာင်ဆနံမ်းယာမ(13)ကအာင်ကာည်း ဂြိုခြီုင်ဒါအီဆီုဝ်ကဆဲင်တောပ် ခံင်ယိူည်ႇကဲနီန်အောႏ။
ပ်ုန်ဘိူန်းတိုည်းတိုအီးဒါခံင်ယိူည်ႇကဲဒီန် ဖုင်ပလိက်ကုင်တအာင်း ထိင်အူန်း နှာင်းတိူဝ်ႈလာည်းဟာဝ်းတောပ်လိူည် ဘည်ဥပဒေတီုက်ယာႈအရေးခံင်ယိူည်ႇအောႏ။
မိုႈဘိုး ဘံန်ဟောည်ႇဒေဲႈ ကျံရ်ကိူရ်အူ ဆငည်း(5)ဒိူန်မာ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဘိူန်းတိုည်းတိုအီးဒါခံင်ယိူည်(6)အီး ပလှံင်မိူင်လိုင်၊ ခေဲင်ကုင်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists