ကုင်တအာင်း ခေဲင်ကျံရ်အူကိူရ်ဒိူန် ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ်ကာည်း ဒရိုင်း ပဴင်ပ္လေဘျုင် လံက်ဟာဝ်းတောပ် စဝ်ဆာင်ခါ ကူန်ရဝ်မာဂါင်ဂဲ(49)အီးယံမ်း၊ တောပ်ဘိုး စဝ်ဆာင်ခါကူန်ရဝ်မာဂါင်ဂဲ (71)အီး ကတူႈဘာတ်
03 November 2025
ကုင်တအာင်း ခေဲင်ကျံရ်အူကိူရ်ဒိူန် ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ်ကာည်း ဒရိုင်း ပဴင်ပ္လေဘျုင် လံက်ဟာဝ်းတောပ် စဝ်ဆာင်ခါ ကူန်ရဝ်မာဂါင်ဂဲ(49)အီးယံမ်း၊ တောပ်ဘိုး စဝ်ဆာင်ခါကူန်ရဝ်မာဂါင်ဂဲ (71)အီး ကတူႈဘာတ်
ကုင်တအာင်း၊ ကျံရ်ကိူရ်အူ ဆငည်း(3)
ကုင်တအာင်း၊ ခေဲင်အူကျံရ်ကိူရ်နီန်း ဂေါႇဆီုက်ဘြာန်ဇေဝ်ဂဲ ဒါယာန်ပ်ုရ်ကာည်းဒရိုင်း ပဴင်ပ္လေဘျုင် လံက်ဟာဝ်း စဝ်ဆာင်ခါ(2)ပါး၊ ကောန်ဒဲႇ(10)အီး၊ ကောန်အီမာည်း(16)အီး ကာည်း ကောန်အီပ်ုန်(21)အီးယံမ်း၊ စဝ်ဆာင်ခါ (6)ပါး၊ ကောန်ဒဲႇ(26)အီး၊ ကောန်အီမာည်း(20)အီးကာည်း ကောန်အီပ်ုန်(19)အီး ကတူႈဘာတ်၊ လံက်လူလှဲဝ်ႏဟာဝ်းဘိုး ဂါင်ဂေါည်(173)ဂါင်၊ ကျောင်ပနောဘေဲႇ(5)ကျောင်၊ ကျောင်စဝ်(7)ကျောင်၊ ႎှါင်းကျောင်(9)ႎှါင်း၊ ဂါင်ႎါႈ(6)လှေ၊ လိုင်းဒီဟျံင်အျံရ်(2)လိုင်း၊ ဆဴင်ခါန်း(5)ခါန်း၊ ယုင်စာက်မျံမ်(1)ယုင်၊ ဆဲင်ကယ်(4)ကြောင်ကာည်း ကား(10)ကြောင် လူလှဲဝ်ႏ။
ဆီုက်ဘြာန်ဇေဝ်ဂဲ မိူဝ်ႈနောႈကယေင် ဒါဇဲတ်ႎှည်တာ ကာည်း ဒရိုင်း ရောတ်ဒေဲႈပဴင်ပ္လေဘျုင် ပလှံင်မာဝ်းႎံင်း(3)လိူဝ်ႈ လံက်စဝ်ဆာင်ခါ(2)ပါး ကတူႈဘာတ်၊ လံက်ဟာဝ်းဘိုး ကျောင်စဝ်(1)ကျောင်၊ ႎှါင်းဒီဆုင်ဆောမ်(1)ႎှါင်းကာည်း ဂါင်ႎါႈ(3)လှေ လူလှဲဝ်ႏ။
ဆဲႈဒီန် ဆီုက်ဘြာန်ဇေဝ်ဂဲ မိူဝ်ႈနောႈကယေင် ဒါယာန်ပ်ုရ် ကာည်း ဒရိုင်း ပဴင်ပ္လေဘျုင် ပလှံင်အိုမ်ငျံရ်(7)လိူဝ်ႈ၊ လံက်ကောန်အီမာည်း(1)အီးကာည်း ကောန်အီပ်ုန်(3)အီးယံမ်း၊ မိုႈဘိုး ကောန်ဒဲႇ(2)အီး၊ ကောန်အီမာည်း(4)အီးကာည်း ကောန်အီပ်ုန်(6)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(21)ဂါင်၊ ကျောင်ပနောဘေဲႇ(1)ကျောင်၊ ကျောင်စဝ်(1)ကျောင်ကာည်း ႎှါင်းကျောင်(6) ႎှါင်း လူလှဲဝ်ႏဟာဝ်း။
မိုႈဘိုး ပလှံင်ရူကောမာ် ဆီုက်ဘြာန်ဇေဝ်ဂဲ ဒါယာန်ပ်ုရ် ရောတ်ဒေဲႈပဴင်ပ္လေဘျုင် (2)လိူဝ်ႈ၊ လံက်ဂါင်ဂေါည်(6)ဂါင် လူလှဲဝ်ႏ၊ ဒါႇခူဒီန် ပလှံင်ဆဘော ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (6)လိူဝ်ႈ လံက်ကောန်အီမာည်း(2)အီးယံမ်း၊ မိုႈဘိုး ကောန်အီမာည်း(2)အီးကာည်း ကောန်အီပ်ုန်(1)အီး ကတူႈဘာတ်၊ ဂါင်ဂေါည်(24)ဂါင်၊ ကျောင်ပနောဘေဲႇ(2)ကျောင်၊ ကျောင်စဝ်(2)ကျောင် ကာည်း ဂါင်ႎှါင်း(1)ဂါင် လူလှဲဝ်ႏဟာဝ်း။
ပလှံင်မိူင်လိုင်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (4)လိူဝ်ႈ လံက်ဟာဝ်းစဝ်ဆာင်ခါ(2)ပါး၊ ကောန်ဒဲႇ(3)အီး၊ ကောန်အီမာည်း(5)အီး ကာည်း ကောန်အီပ်ုန်(5)အီး ယံမ်း၊ မိုႈဘိုး စဝ်ဆာင်ခါ(4)ပါး၊ ကောန်ဒဲႇ(2)အီး၊ ကောန်အီမာည်း(1)အီးကာည်း ကောန်အီပ်ုန်(2)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(18)ဂါင်၊ ကျောင်စဝ်(2)ကျောင်ကာည်း ႎှါင်းကျောင်(1) ႎှါင်း လူလှဲဝ်ႏ။
ဆဲႈဒီန် ပလှံင်ကုင်ငှေါမာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (3)လိူဝ်ႈ လံက်ကောန်အီမာည်း(2)အီး၊ ကောန်အီပ်ုန်(2)အီးယံမ်း၊ မိုႈဘိုး ကောန်အီမာည်း(3)အီးကာည်း ကောန်အီပ်ုန်(1)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(18)ဂါင်၊ ကျောင်စဝ်(1)ကျောင်၊ ႎှါင်းကျောင်(1)ႎှါင်းကာည်း ဆဴင်ခါန်း(5)ခါန်း လူလှဲဝ်ႏ။
မိုႈဘိုး ပလှံင်အိုမ်ယ်ုရ်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (6)လိူဝ်ႈ လံက်ကောန်ဒဲႇ (2)အီး၊ ကောန်အီမာည်း(2)အီး၊ ကောန်အီပ်ုန်(9)အီးယံမ်း၊ မိုႈဘိုး ကောန်ဒဲႇ(9)အီး၊ ကောန်အီမာည်း(6)အီးကာည်း ကောန်အီပ်ုန်(4)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(62)ဂါင်၊ ဂါင်ႎါႈ(2)လှေ၊ ကျောင်ပနောဘေဲႇ(2)ကျောင်၊ ယုင်စာက်မျံမ်(1)ယုင်၊ ဆဲင်ကယ်(4)ကြောင်ကာည်း ကား(9)ကြောင် လူလှဲဝ်ႏ။
ပလှံင်မိုဂူႈမာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (4)လိူဝ်ႈ လံက်ကောန်ဒဲႇ(3)အီးကာည်း ကောန်အီမာည်း(1)အီးယံမ်း၊ မိုႈဘိုး ကောန်ဒဲႇ(12)အီးကာည်း ကောန်အီပ်ုန်(1)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(12)ဂါင်ကာည်း လိုင်း ဒီဟျံင်အျံရ်(2)လိုင်း လူလှဲဝ်ႏ။
ဆဲႈဒါႇဒီန် ပလှံင်မှိူမ်မီုတ်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင်ပ္လေဘျုင် (3)လိူဝ်ႈ လံက်ကောန်ဒဲႇ(2)အီး၊ ကောန်အီမာည်း(3)အီးကာည်း ကောန်အီပ်ုန်(2)အီးယံမ်း၊ မိုႈဘိုး ကောန်ဒဲႇ(1)အီး၊ ကောန်အီမာည်း(4)အီးကာည်း ကောန်အီပ်ုန်(4)အီး ကတူႈဘာတ်၊ လံက်ဟာဝ်းဘိုး ဂါင်ဂေါည်(12)ဂါင်ကာည်း ကား(1)ကြောင် လူလှဲဝ်ႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုတောပ်ရဒေင် ဘည်လိုဒံန်ခြဲ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists