ပရဝ်ပါင်ယိုက်ဒိူဝ်, ကားတာင်ကူမ်အူကြောင်ပဲန်ကပ္လါႇ ကောန်အီမာည်းအူအီးယံမ်း
13 November 2025
ပရဝ်ပါင်ယိုက်ဒိူဝ်, ကားတာင်ကူမ်အူကြောင်ပဲန်ကပ္လါႇ ကောန်အီမာည်းအူအီးယံမ်း
အေဲမ်ငူည်၊ ကျံရ်ကိူရ်အူ ဆငည်း(13)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ငူည်၊ ပရဝ်ပါင်ယိုက်ဒိူဝ်, ကားတာင်ကူမ်အူကြောင်ပဲန်ကပ္လါႇ ကောန်အီမာည်းအူအီး ယံမ်းဟာဝ်းပွံတ်အ်ုန်ဒီး။
ဘည်မို;အ်ုန် ကျံရ်ကိူရ်အူ ဆငည်း(9) အခိင်ရမှိူဝ်(11:30)မနေဲတ်ဒိူန် ကားတာင်ကူမ်အူကြောင်ဒီန် စီယိူဝ်, လှံင်အေဲမ်ခြီရ် ဒါႈနံင်ဟာဝ်း ကဒါႇအေဲမ်ငူည် အခိင်ရောတ်ဒဒေင်လေႈဇူးဒိူန် ဂေါႇမိုႈအာဝ်ဘယ်ထိဘရိတ် ပဲန်ကပ္လါႇဟာဝ်းဘည်ဒီန်။
ကညာအီကော;ကားဒီန် ဇီုဝ် တာဆော်နာည် အဆာက်(44)ဆန်ုမ် ယံမ်းဟာဝ်းပွံတ်အ်ုန်ဒီး။ ကားဒီန် တာင်ရကာဝ်း(55)ကပျာဝ်း၊ ဘီယာ(26)ဖာ၊ အိုမ်ပျြံင်စာက် ကာည်း တောပ်ဘိုး ကူမ်တောန်မျိုး။
တံပ်အွံရ်ပ်ုန်လောတ်ကပီုန်တအာင်းPSLF/TNLA အီရံပ်ဇီုင်းကပ္လိူင်ဂဲ ဟာဝ်းစေတ်ဆေးဒေဲ; ဘည်ဒီပဲန်ကားကပ္လါႇဒီန်။
ယာမ်မိုႈ ကျံရ်ကိူရ်အူ ဆငည်း(6)ဒိူန် ပလှံင်ကိုက်ခည်း ဆဲင်ကယ်(2)ကြောင်ပဲန်ကဒူႈ ကောန်အီမာည်း(2)အီး ကတူႈဖေးဘာတ်ဒါင်း။
#PSLF/TNLA
#တီုင်ပ္လေႈလေႈဆဒါင်
Comment Lists