ခေဲင်ကျံရ်အူကိူရ်နီန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(9)အီး ကာည်း အီဒါခံင်ယိူည်ႇ(23)အီး
03 November 2025
ခေဲင်ကျံရ်အူကိူရ်နီန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(9)အီး ကာည်း အီဒါခံင်ယိူည်ႇ(23)အီး
ကုင်တအာင်း၊ ကျံရ်ကိူရ်အူ ၊ဆငည်း(3)
ကုင်တအာင်း၊ ပလှံင်ဆဘော၊ အေဲမ်ငူည်း၊ ကိုက်ခည်း၊ မိုဂူႈ၊ မိူင်လိုင် ကာည်း ပလှံင်မိူင်ယော် ခေဲင်ကျံရ်အူကိူရ်နီန် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(9)အီး ကာည်း အီဒါခံင်ယိူည်ႇ(23)အီး။
ပလှံင်ဆဘော ဖုင်ပလိက်ကုင်တအာင်းဂဲ ဘိူန်တိုည်း တိုအီးကဇိူရ်ႈကယံင်းခံင်ယိူည်ႇ(1)အီး ကာည်း အီဒါခံင်ယိူည်ႇ(1)အီး ယိူဝ်းကဂေါပ်တောပ် ဖိင်လူည်းဟံပ်အူန်း ခေဲင်ကဘဲဝ်ပလဲက်စတီတ် အူကဒည်ကဘဲဝ်။
ဆဲႈဒီန် ပလှံင်အေဲမ်ငူည်းမာ် ဖုင်ကလိက်ကုင်းတအာင်းဂဲ ဘိူန်းတိုည်း အီဒါခံင်ယိူည်ႇ(14)အီး ကာည်း တိုအီးကဇိူရ်ႈကယံင်းခံင်ယိူည်ႇ (3)အီး စီယိူဝ်းကဂေါပ်တာပ် ကအာင်းယာမ ထုပ်ဒဲႇ(2)ထုပ် ကာည်း ကအာင်းယာမ ( 293)ကအာင်း။
မိုႈဘိုး ခေဲင်လှံင်ကိုက်ခည်း ဖုင်ပလိက်လှံင်ကုင်တအာင်းဂဲ ဘိူန်းတိုည်း အီဒါခံင်ယိူည်ႇ (5)အီး။ ဆာ်မိုႈ ပလှံင်မိုဂူႈ အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်စတ်ဆေးအရေးခံင်ယိူည်ႇ စီဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ (2)အီး ယိူဝ်းကဂေါပ်တောပ် ကအာင်းယာမထုပ်ဒဲႇ(21)ထုပ် ယာမ(75)ကအာင်း ကာည်း ဖိင်လူည်းဟံပ်အူန်း ခေဲင်ပဲက်အိုမ်ငါမ်း (10)ပဲက်။
မိုႈဘိုး ပလှံင်မိူင်လိုင် ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(2)အီး ယိူဝ်းကဂေါပ်တောပ် ဖိင်လူည်းဟံပ်အူန်း ခေဲင်က္လာ့်ဆပျာ (2)က္လာ့်။ ပလှံင်မိူင်ယော် အခိင်ရေဲန်ဇီုင်းကာန်စတ်ဆေးအရေးခံင်ယိူည်ႇဒိူန် ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ (1)အီး စီယိူဝ်း ကအာင်းယာမ(118)ကအာင်းထာန်နီန်း။
ဆာ်မိုႈကညာ ဂဲအီယံင်းခံင်ယိူည်ႇဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ နှာင်းတိူဝ်ႈလာည်းဟာဝ်းအရေးတောပ်လိူည်ဘည်ဥပဒေ အရေးခံင်ယိူည်ႇ ဂဲအီဒါကဲနီန် နှာင်းတိုန်းဟာဝ်းဂဲ ဒီဂါင်ဆငါး ဘြဲဆားအချံင်ကဲအာ။
ဘံန်ဟောည်ႇဒေဲႈ ကျံရ်တီမ်ဒိူန် ဖုင်ပလိက်ကုင်တအာင်းဂဲ ဘယ်ဒေတိုည်းဟာဝ်း တိုအီးကဇိူရ်ႈကယံင်းခံင်ယိူည်ႇ(6)အီး ကာည်း အီဒါခံင်ယိူည်ႇ(43)အီးထာန်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists