ကုင်တအာင်း၊ အိူင်အိုမ်ယ်ုရ်၊ လှံင်ကုင်ငှေါ ပရဝ်အိုမ်ပြာႇ ကျံရ်(2)ဆငည်း (10) ဒိူန် ဖုင်ဘေဲႇလူမ်တအာင်း Ta'ang Literatuere Association-TLAဂဲ ရေဲန်ဟာဝ်းပ္လေါည်ပ္လိုတ်ဝါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်(2)လှံင် ရဝ်(6)ရ်ယဝ် ။

ဆီုက်ဘြာန်ဇေဝ်ဂဲ မိူဝ်ႈနောႈကယေင်တဲင် ကူန်ရဝ်မာဂါင်ခည်းခည်း အာဝ်မိူဝ်ႈပဲန်ကတီုက်ကပဴင်မာ် တောန်လှံင် တောန်ရဝ် ‌ ဒါယာန်ပ်ုရ်လီလာပဴင် လံက်ဟာဝ်း ကူန်ရဝ်မာဂါင်(4)အီးယံမ်း၊ (4)အီးကတူႈဘာတ် ပလှံင်နောင်ချှိုအောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA ဒီဘိူန်းဘြောင်ချှာင် လှံင်မာဝ်းႎံင်း ကာည်း လှံင်ကိုက်ခည်း ဖုင်ပလိက်ကုင်တအာင်းဂဲ ဘိူန်းတိုည်း တိုအီးဒါခံင်ယိူည်ႇ ကာည်း ကဇိူရ်ႈကယံင်းခံင်ယိူည်ႇ (12)အီးအောႏ။

ပလှံင်ကိုက်ခည်း ဇံင်(2) ‌‌‌‌‌ဂေါႇခူရ်ပုတ်ဒါင်း ဂါင်(2)ဂါင်လူလှဲဝ်ႏဟာဝ်းအောႏ။

ကားတာင်ကဆာ်ႈအူကြောင် ဂေါႇအ်ုန်အာဝ်ဘဲထိင်ဘရိတ် စိပဲန်ကားဇောႈကပ္လါႇ ဒေင်လီပ်ပလှံင်ရူကော။

တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ပလီတ်ကုင်တအာင်းဂဲ ဘိူန်း‌ဒေတိုည်း တိုအီးဒါခံင်ယိူည်ႇ (5)အီး ပလှံင်အိုမ်ငျံရ်။

တံပ်အွံရ်ပ်ုန်လောတ်ကပီုန်တအာင်းPSLF/TNLA ပလီတ်ကုင်တအာင်း ကျံရ်အိုည်၊ ဆငည်း (21) အခိင်ခီညှာ လီပ်စေတ်မေန်း ခေဲင်က္လာႈအိုမ်ငျံရ် ဂြိုခြီုင်ပ်ုန်ဟောမ်ပ်ုန်ဒါ လှေအ်ုန်အီးExpired Dateဒိုည်ႇ။

ကုင်တအာင်း၊ အိူင်မိုဂူႈ ၊ ပလှံင်မိုဂူႈ၊ တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်ဘြောင်ချှာင် ရေဲန်ပ္လေါည်ကတူႈကငျားတောပ် ကူန်ရဝ်မာဂါင်ဂဲပလှံင်မိုဂူႈ။

ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော၊ ကောန်အီမာည်း (1)အီး အခိင်ဟာဝ်းတမာ စီငျားဒေညဲ့ မဴင်အ်ုန်ဒါ့ကီုတ်အူန်း ပ်ုန်တီႇဆီုက်ဘြာန်ဇေဝ်ဂဲ စီပဒူႈလံက်ဟာဝ်းယံမ်းပွံတ်ကဆီုဝ်ဒီန်။