ဖုင်ဘေဲႇလူမ်တအာင်း TLAဂဲ ရေဲန်ဟာဝ်းပ္လေါည်ပ္လိုတ်ဝါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်(2)လှံင် ရဝ်(6)ရဝ်
28 March 2025
ဖုင်ဘေဲႇလူမ်တအာင်း TLAဂဲ ရေဲန်ဟာဝ်းပ္လေါည်ပ္လိုတ်ဝါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်(2)လှံင် ရဝ်(6)ရဝ်
ကုင်ငှေါ၊ ကျံရ်(3)၊ ဆငည်း (28)၊ ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်ကုင်ငှေါ ပရဝ်အိုမ်ပြာႇ ကျံရ်(2)ဆငည်း (10) ဒိူန် ဖုင်ဘေဲႇလူမ်တအာင်း Ta'ang Literatuere Association-TLAဂဲ ရေဲန်ဟာဝ်းပ္လေါည်ပ္လိုတ်ဝါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်(2)လှံင် ရဝ်(6)ရဝ် ။
ပ္လေါည်ပ္လိုတ်ဝါင်ပနော ပ္လံက်တံင်ဇူႈဘေဲႇလူမ်တအာင်း ဇူႈႎိူဝ်ႈဟာဝ်း ကျံရ်(1)ဆငည်း (25)ပလှံင်အိုမ်ယ်ုရ် ပရဝ်အားရမ်း (2)လိူဝ်; ၊ ကျံရ်(1)ဆငည်း (26) ဖုင်ဘေဲ,လူမ်တအာင်း TLA ဂဲ ဘည်ဒေဝိူဝ်;ဟာဝ်း ပရဝ်ခ်ုရ်အော။
ကျံရ်(3)ဆငည်း (21)ပလှံင်ကုင်ငှေါ ပရဝ်စလန်း ရောတ် ဆငည်း (22) ပရဝ်ပိန်းကိုင်တော် ပ္လေါည်ပ္လိုတ်ဝါင်ပနော ပ္လံက်တံင်ဇူႈဘေဲႇလူမ်တအာင်း။
ပ္လေါည်ပ္လိုတ်ဝါင်ပနော ပ္လံက်တံင်ဇူႈဘေဲႇလူမ်တအာင်းခေဲင်လှံင်(2)လှံင် ကာည်း ရဝ်(6)ရဝ် အီးဟိုက်ႎါင်ပနော ကောန်အမာည်း ကာည်း ၊ကောန်အီပ်ုန် ကစုကပိုမ် တိုအီး(236)အီး ဆာ်မိုႈ အီးဟိုက်ဟောည်ႇဟာဝ်းဝါင်ပနော ဘေဲႇလူမ်တအာင်းကဲနီး ဖုင်ဘေဲႇလူမ်တအာင်း(TLA)ဂဲ အာပ်ဒဲႈပ္လါႇဘေဲႇလှိုပ်ဂုင်အံင်လက်မှတ် (Certificate)တဂဲ။
ပ်ုန်ကယေင်ဒေႎိူဝ်ႈဟာဝ်းဝါင်ပနောဘေဲႇလူမ်တအာင်းနီန် မိုႈ နံင်ဘေဲႇလူမ်တအာင်းအယ် မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုုဝ်းတအာင်း ပိုင်ကြောႈ နံင်အီကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇတအာင်းနီး၊ နံင်ကြောႈကူန်တာမာယာအယ် အာဝ်ဟြာည်ႇကမာ်ႈ ၊ နံင်အိီးရံပ် ဇီုင်း ကပ္လိူင်တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ်ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိုုဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဟာဝ်း ဖာဆာဘေဲႇလူမ်တအာင်းတောန်နဲ။
#PSLF/TNLA
# တီုင်ပ္လေႈလေႈဆဒါင်
Comment Lists