ဘည်မိုႈဘည်ဘာည်းအ်ုန် ဘံန်ဟောည်ႇဒေဲႈ ကျံရ်ဖိုန် ဆငည်း(17)ဒိူန် ကဝ်အီဂေါည်ပဇံင်ပါဟဲတ် တာစော်ဆိုးခဲင် အဆာက်(30)ဆန်ုမ် ဂေါႇမိုႈယိူဝ်းနံပ်ဒါ အ်ုန်ကဇိူရ်ကယံင်းခံင်ယိူည်ႇ ကုင်တအာင်း ဖုင်ပလိက်လှံင်နောင်ချှိုဂဲ စီဟာဝ်းစေတ်ဆေး ပဂါင်‌ဂေါည်ဂဲ ဘိူန်းတိုည်းခံင်ယိူည်ႇတအ်ုန်။

ဘံန်ဟောည်ႇဒေဲ ကျံရ်ဖိုန် ဆငည်း(14) အခိင်စူမ်အံပ် (4:30)ဒိူန် ကဝ်အီဇီုဝ် မာည်းနာည်လီန်ထဲက် အဆာက်(17)ဆန်ုမ် အခိင်ဂဲဂေါအ်ုန် ဟာဝ်းကနိုက်အိုမ် ခေဲင်ပ္လေါင်ဟိုဆာည်းဒိူန် ငျားစိုမ်အိုမ်ဟြာည်ႇကမာ်ႈဟာဝ်း။

ဘည်မိုႈဘည်ဘာည်းအ်ုန် ဘံန်ဟောည်ႇဒေဲႈ ကျံရ်ဖိုန် ဆငည်း(16) အခိင်စူမ်အံပ်(6)နြီထာန်နီန် ကဝ်အီဇီုဝ် တာထူန်းထူန် အဆာက်(50)ဆန်ုမ် အခိင်အ်ုန်ဟာဝ်းယီုဝ်(ပဴင်)ဆီမ်း တပြောတံပ်ဆခန်းဆီုက်ဘြာန်ဂဲ ခလရ(23)ဒိူန် ငျားဒေညဲ့မဴင် ပ်ုန်တီႇအူန်းဂဲ အာည်ႇနီန်။

တံပ်အွံရ်ပ်ုန်လောတ်ကပီုန်တအာင်း PSLF/TNLA ပလိက်ကုင်တအာင်း ဘိူန်းဒေတိုည်းတိုအီးကဇိူရ်ႈကယံင်းခံင်ယိူည်, (1)အီး ကာည်း တိုအိီးဒါခံင်ယိူည်ႇ (50)အီး ပလှံင်ရူကော၊ အိူင်အိုမ်ယ်ုရ်၊ ခေဲင်ကုင်တအာင်း။

ကုင်တအာင်း၊ အိူင်အိုမ်ယ်ုရ်၊ လှံင်ရူကော တံပ်အွံရ်ပ်ုန်လောတ်ကပီုန်တအာင်း PSLF/TNLA အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဆပယ်ဆငါးဟာဝ်း ညှိူဝ် ခေဲင်တပ္လေါင်အိုမ်။

ကုင်တအာင်း၊ အိူင်ကိုက်ခည်း၊ ပလှံင်နံမ်ဖတ်ကာ တပြောဂါင်ကနံမ်း ကားဘတဂါင်အူကြောင် ငျားဒူႈဟာဝ်း ကားအူကြောင်းအီဇံင်းအူန်း ကောန်အီပ်ုန်အူအီး ကတူႈဖေးဆဲဝ်ဒါင်း။

ကုင်တအာင်း၊ အိူင်မိုဂူႈ၊ လှံင်မိုဂူႈ၊ ပရဝ်ပါင်ပေတ် ဘေဲႇလူမ်တအာင်း-TLAဂဲ ဆော်အွံရ်ရေဲန်ဟာဝ်းပ္လေါည်ပ္လိုတ်ႎါင်ပနော ဘေဲႇလူမ်တအာင်း ပရဝ်ပါင်ပေတ်ဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါပ်တားချှာင်ဇီုင်းကာန်‌‌တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်‌ဒေဲႈအောႏ။

ဘဝ်ကီုက်ဒါင်း အိုည်ဖုင်ဂဲ ဂေါႇမိုႈပ်ုန်နောႈခေဲမ် တောပ်ကူန်ရဝ်မာဂါင် ကတူႈအီမ်ယာယူႈ ရိူရ်ႈလေႈပ္လါႇဘေဲႇဒါႈဇံင်ဟာဝ်း‌ပ္လေါည်ကတီုက်ကပဴင် ကျံရ်(4)၊ ဆငည်း(1)ဒိူန်အောႏ။

တံပ်အွံရ်ပ်ုန်လောဝ်ကပီုန်တအာင်းPSLF/TNLA ပလိက်ကုင်တအာင်းဂဲ ဘြဲဆာဒေဲႈအကျံင် တိုအီးဒါခံင်ယိူည်ႇ(၈၅)အီး ပလှံင်မိုဂူႈ၊ အိူင်မိုဂူႈအောႏ။