ဖုင်ပလိက်ကုင်တအာင်းဂဲ ကာည်း ဖုင်တီုက်ယာ်ႈအရေးခံင်ယိူည်ႇ ဘိူန်းတိုည်း ကဲအီကဇိူရ်ႈကယံင်းခံင်ယိူည်ႇ(7)အီး၊ ဘိူန်းတိုည်း အီမိူဝ်ႈခံင်ယိူည်ႇ(3)အီး ကာည်း အီဒါခံင်ယိူည်ႇ(4)အီး ခေဲင်ကျံရ်အူကိူရ်နီန် ကုင်တအာင်း၊ အေဲမ်ခြီရ်၊ ရူကော၊ အိုမ်ယ်ုရ် ကာည်း အိုမ်ငျံရ်။
ဒီရ်;ကဇေန်နီး
ကုင်တအာင်း အိူင်အိုမ်ယ်ုရ်၊ တံပ်နာန်းတအာင်း PSLF/TNLA ဂဲ ဝီရ်ဘြဲဆားဒဲႈ ကတာည်းအီတက္လာႈ ဘိဟာဝ်းတေဲင်ဒေင်ကား ခနားလီလု ကာည်း လှံင်အိုမ်ယ်ုရ်အောႏ။
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ကယေင်ပဴင်လိုဒီဂေါည်ကူန်ရဝ်မာဂါင် ဂေါ,ဆီုက်ဘြာန်ဂဲ လီလာပဴင်ပ္လေဒါင်း(6)ပိုင် ဘည်ဒီန် လံက်ဟာဝ်းတိုအီးရဝ်(1)အီးယံမ်း (3)အီးကတူႈဖေးဆဝ်းအောႏ။
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ဆီုက်ဘြာန်ဂဲ ဒါထမေန် ကာည်း လီလာပဴင်ပ္လေဒါင်း လံက်ဟာဝ်း တိုအီရဝ်(2)အီးယံမ်း ပဲန်ငံရ်ကဆူမ်ဟာဝ်း အိုမ်ပျြံင်စာက်ပ်ုန်ချံင်အူန်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်မာဝ်းႎံင်း အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါထမေန် ကာည်း ပ္လေဘျုင် လီလာပဴင်ဟာဝ်း ကဒါ,ရဝ်ဟူကွတ် လံက်စဝ်ဆာင်(၁)ပါးကတူႈဖေးဆဝ်းဒါင်းအောႏ။
ပ်ုန်ဒီရ်;ဂီုန်း
