ပလှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ လီလာပဴင်ပ္လေဒါင်း(6)ပိုင် ဂေါ,ဆီုက်ဘြာန်ဂဲပဴင်ပ္လေဘည်ဒီန် လံက်တိုအီးရဝ်(1)ယံမ်း (3)အီးကတူႈဖေးဆဝ်
26 August 2024
ပလှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ လီလာပဴင်ပ္လေဒါင်း(6)ပိုင် ဂေါ,ဆီုက်ဘြာန်ဂဲပဴင်ပ္လေဘည်ဒီန် လံက်တိုအီးရဝ်(1)ယံမ်း (3)အီးကတူႈဖေးဆဝ်း
ကုင်တအာင်း၊ ကျံရ်(8) ဆငည်း (25)
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ကယေင်ပဴင်လိုဒီဂေါည်ကူန်ရဝ်မာဂါင် ဂေါ,ဆီုက်ဘြာန်ဂဲ လီလာပဴင်ပ္လေဒါင်း(6)ပိုင် ဘည်ဒီန် လံက်ဟာဝ်းတိုအီးရဝ်(1)အီးယံမ်း (3)အီးကတူႈဖေးဆဝ်းအောႏ။
ကျံရ်(8) ဆငည်း(24) အခိင် ခီညှာ(8:20)မနတ် ရောတ် စူန်အံပ်(1:30)မနေတ်ဒိူန် ဆီုက်ဘြာန်ဂဲ ကယေင်ပဴင်လိုဒီဂေါည်ကူန်ရဝ်မာဂါင် ကဒါ, လှံင်ဆဘော ဇံင်ဆျှိုည်ကျောင် ပ္လေဒါင်းပဴင်ဆီုက်ဘြာန်းဂဲ စီဇာႈပဒူႈ လံက်ဟာဝ်း ကောန်အီပ်ုန်(1)အီး အဆာက်(60)ဆန်ုမ် လံက်ကိင်က်ုရ်က်ုတ်ယံမ်းဟာဝ်းအောႏ။
ဆဲႈဒီန် ဂေါ,ဆီုက်ဘြာန်ဂဲပဴင်ပ္လေဘည်ဒီန် လံက်ဟာဝ်း ယာဂံတ်(1) အဆာက်(50)ဆန်ုမ် ကာည်း တားဂံတ်(1) အဆာက်(60)ဆန်ုမ် ကတူႈဖေးဆဝ်း မိုႈဘို ကဒါ, ဆျှိုည်ကျောင်လံပ်က်ုတ်ဆငည်း လံက်ဟာဝ်း ကောန်အီပ်ုန်(1)အီးကတူႈဖေးဆဝ်းအောႏ။
ခေဲင်လှံင်ဆဘော ကျံရ်(8) ဆငည်း(1) ရောတ် ဆငည်း(24) ဆီုက်ဘြာန်ဂဲ ဒါထာမေန် ကာည်း ပ္လေဒါင်း ကယေင်ပဴင်လိုဒီဂေါည်ကူန်ရဝ်မာဂါင်ကဲ လံက်ဟာဝ်းတိုအီးရဝ်(17)အီးယံမ်း (57)အီးကတူႈဖေးဆဝ်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists