ပလှံင်ဆဘော ဆီုက်ဘြာန်ဂဲ ဒါထမေန် ကာည်း ပဴင်ပ္လေဒါင်း လံက်ဟာဝ်း တိုအီးရဝ်(2)အီးယံမ်း ငံရ်ကဆူမ်ဟာဝ်း အိုမ်ပျြံင်စာက်ပ်ုန်ချံင်အူန်း
21 August 2024
ပလှံင်ဆဘော ဆီုက်ဘြာန်ဂဲ ဒါထမေန် ကာည်း ပဴင်ပ္လေဒါင်း လံက်ဟာဝ်း တိုအီးရဝ်(2)အီးယံမ်း ငံရ်ကဆူမ်ဟာဝ်း အိုမ်ပျြံင်စာက်ပ်ုန်ချံင်အူန်း
ဆန်ုမ်2024၊ ကျံရ်(8)၊ ဆငည်း(21)
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ဆီုက်ဘြာန်ဂဲ ဒါထမေန် ကာည်း လီလာပဴင်ပ္လေဒါင်း လံက်ဟာဝ်း တိုအီရဝ်(2)အီးယံမ်း ပဲန်ငံရ်ကဆူမ်ဟာဝ်း အိုမ်ပျြံင်စာက်ပ်ုန်ချံင်အူန်းအောႏ။
ဘည်ဘာည်းအ်ုန်မိုႈ ကျံရ်(8)၊ ဆငည်း(18)ဒိူန်း ခေဲင်လှံင်ဆဘော တီုင်တံပ်ဆီုက်ဘြာန်(ခ.လ.တ.ရ-23)အီဂေါည် ဇံင်နားမိုင်ဂဲ ဒါထမေန် ကာည်း ဂေါႇဂဲပဴင်ပ္လေဒါင်း လံက်ဟာဝ်း ကောန်အီမာည်း(2)အီးယံမ်းဟာဝ်းပွံတ်အောႏ။
မိုႈဘိုး အခိင် ရဆံန်(11:30)မနေဲတ်ဒိူန်း လှံင်ဆဘော ပ္လေဒါင်းပဴင်ဆီုက်ဘြာန်ဂဲ စီဇောႈပဒူႈ လံက်ဟာဝ်း ဆဲင်အိုမ်ပျြံင်စာက်AAAအီဂေါည် ခေဲင်ဇံင်စောက်ဆု ပ်ုန်ချံင်အူန်အိုမ်ပျြံင်ဒီန် ပဲန်ငံရ်ကဆူမ်း PSLF/TNLA ဖုင်အီးပျံတ်ငံရ်ကဲ ကာည်း တိုအီးရဝ်ကဲ ကဇောည်ဒေပျံတ်ဟာဝ်းငံရ်ဘယ်ဒေပျံတ်ယံတ်ဟာဝ်းအောႏ။
ဆဲႈဒီန် ပလှံင်ဆဘော ရဝ်နမ့်လာန် ကျံရ်(8)၊ ဆငည်း(16)ဒိူန်း ဆီုက်ဘြာန်ဂဲ ဒါထာမေန် ရောတ်ဒေဲႈ ပဴင်ပ္လေဘျုင် လံက်ဟာဝ်း ကောန်အီးပ်ုန်(1)အီး ကတူႈဖေးဆဝ်း ကာည်း ဂါင်(2)ဂါင် လူလှဲဝ်ႏဟာဝ်းအောႏ။
ခေဲင်လှံင်ဆဘော ကျံရ်(8)၊ ဆငည်း(1) ရောတ် ဆငည်း(19) တီုင်တံပ်ဆီုက်ဘြာန်ဂဲ ဒါထမေန် ကာည်း ပ္လေဒါင်း ကယေင်ပဴင်လိူည် ဒီဂေါည်ကူန်ရဝ်မာဂါင်ဂဲ တောန်ဆငည်း ဂေါႇဘည်ဒီန် လံက်ဟာဝ်း တိုအီးရဝ်(14)အီးယံမ်း ကာည်း (42)အီးကတူႈဟာဝ်းဖေးဆဝ်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists