ကုင်တအာင်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA ခေဲင်ကျံရ်(3) ပဲန်ငံရ်က္လိုႇဟာဝ်း (6)လိူဝ်ႈ ချှူမ်ဟာဝ်းရိူန်း (1400)လိူဝ်ႈ ခေဲင်ကုင်တအာင်း။

ဘဝ်ကီုက်ဒါင်း အိုည်ဖုင်ဂဲ ဂေါႇမိုႈပ်ုန်နောႈခေဲမ် တောပ်ကူန်ရဝ်မာဂါင် ကတူႈအီမ်ယာယူႈ ရိူရ်ႈလေႈပ္လါႇဘေဲႇဒါႈဇံင်ဟာဝ်း‌ပ္လေါည်ကတီုက်ကပဴင် ကျံရ်(4)၊ ဆငည်း(1)ဒိူန်အောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA ဒီဘိူန်းဘြောင်ချှာင် ပလှံင်ကိုက်ခည်း ၊ပလှံင်အိုမ်ယ်ုရ်၊ ပလှံင်မှိူမ်မီုတ်၊ ပလှံင်အေဲမ်ခြီရ် ကာည်း ပလှံင်ရူကော ဖုင်ပလိက်ကုင်တအာင်းဂဲ ဘိူန်းတိုည်း တိုအီးဒါခံင်ယိူည်ႇ (75)ကာည်း ကဇိူရ်ႈကယံင်းခံင်ယိူည်ႇ (24)အီးအောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ကောန်အီပ်ုန်ဟြေဲဒါင်းဟိုက်ဇာရ်ဂဲ ခေဲင်ကျံရ်(3)နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(51)ရဝ်။

ကျံရ်(4)ဆငည်း(1) PSLF/TNLAတီုင်ဘြောင်ချှာင်ဂဲ ကာည်း ကော်မတီဖုင်ကပါင်ခြိူဝ်းတအာင်းT- CSOS ဝိူဝ်ႈဟာဝ်းဌာနအဆေဆိင်လှူ အီးကတူႈအီမ်ယာယူႈဟာဝ်း ကနာည်ကူန်ရဝ်မာဂါင်ပကုင်ဘြာန်။

ဖုင်ကဇောည်တိုအီးကုင်ခယ်ဂဲ ဒါကား (9)ကြောင် တာင်ဒေဲႈဂြိုကနာည် နံင်ကဇောည်ဒဲႈ တိုအီကတူႈဖေး ကီန်းဒည်း အီမ်ယာယူႈ ခေဲင်ကုင်ကပိုမ် ကဒါႇဆီုက်ဘြောန်ဇေဝ်ဂဲ ပဲင်ဟာဝ်း အောႊ။

ကုင်တအာင်း၊ အိူင်မာဝ်းဝံင်း၊ ပလှံင်မာဝ်းဝံင် ပလိက်ကုင်တအာင်းဂဲ ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန် (1)အီး ကာည်း ခံင်ယိူည်ႇ။

အခိင်ကူန်ရဝ်ဂါင်မာဂဲ ကတူႈဖေးအန္တရာယ် ခေဲင်ကုင်ဘြာန် ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF\TNLA ပလှံင်နောင်ချှို ပရဝ်ကျောက်ကြမ်းအောႊ။