ပလှံင်အေဲမ်ခြီရ်၊ ဘံန်ဟောည်ႇ ကျံရ်ဖံန်၊ ဆငည်း(2) ဖုင်ပလိက်ကုင်တအာင်းဂဲ ရေဲန်ဇီုင်းကာန်စေတ်မေန်းဟာဝ်းခေဲင်အရာပ်အရာ ဘိူန်းတိုည်း ကညားအီဒါခံင်ယိူည်ႇ တာမောကျိူက်ဖေ့ ဘိူန်းအဆာက်(40)ဆန်ုမ်၊ တာအာကိုင် ဘိူန်းအဆာက်(32)ဆန်ုမ် ကာည်း တာဇော်မျိုးထူန် ဘိူန်းအဆာက်(30)ဆန်ုမ်အောႏ။

ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ခေဲင်ကျံရ်အိုည်နီန် ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ(19)အီး ကာည်း တိုအီးကဇိူရ်ႈကယံင်းခံင်ယိူည်ႇ(2)အီး။

ခေဲင်ကုင်တအာင်း ကနာည်နံင်ဇံင်းမံင်ဟာဝ်း ဆဖာဝအရာပ်အရာ ကာည်း အခွါင်းအရေးဟျံင်ႎဲ့ ကူန်ရဝ်မာဂါင် ကဲ PSLF/TNLA - လူမ်ဒံန်ခြဲငိူပ်မေန်းအိုမ်ဘြည်ကတာည်းကဲ ဘ္လံက်ချဟာဝ်းကတာည်း ဧက (2) ဆဲန်လှိူဝ်း ခေဲင်အိူင်အိုမ်ယ်ုရ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်း ကာည်း အိူင်အေဲမ်ခြီရ် ခေဲင်ဆန်ုမ် (2025) အောႏ။