ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(31)နီန် အီဘိူန်းဟာဝ်း ဆုဒါင်း(500)ဆဲန်မိုႈ ယာမျအေး အီဂေါည် ပရဝ်မာန်းလာန်း၊ လှံင်အိုမ်ယ်ုရ်အောႏ။

ခေဲင်ကျံရ်ကိူရ်အာရ်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်(45)ရဝ်။

တားတီုင်အွံရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ခူန်ချုဒါင်း တားအဘုင်ကာည်း ခူန်ချု တားဘုင်ကျော် ဟိုက်ရောတ်ပ္လေါည်အာပ်ဒဲႈဘွည်ႇဒီပလိုမာ ကုင်မျံမ် ကျောင်တီုင်အိုမ်အရေးကုင်(Tea Land School Of Political Science- TLSPS) လိူဝ်ႈ(3)၊ ပ္လေါည်အာပ်ဒဲႈဘွည်ႇဒီပလိုမာနီး ရေဲန်ဟာဝ်းခည်မိုႈ ကျံရ်ကိူရ်အာရ် ဆငည်း(25) အခိင်ခီညှာ(9:00) ရောတ်စာ်မ်း ရဆံန်(12:00)နြီအောႏ။