ပလှံင်အိုမ်ယ်ုရ် ခေဲင်ကျံရ်အူကိူရ်နီန် ပဲန်ကားကဒူႈ ကာည်း ကားဂေႈပ္လါအမှု(3)မှု၊ (1)အီးယံမ်း၊ (6)ကတူႈဖေးဘာတ်
02 November 2026
ပလှံင်အိုမ်ယ်ုရ် ခေဲင်ကျံရ်အူကိူရ်နီန် ပဲန်ကားကဒူႈ ကာည်း ကားဂေႈပ္လါအမှု(3)မှု၊ (1)အီးယံမ်း၊ (6)ကတူႈဖေးဘာတ်
အိုမ်ယ်ုရ်၊ ကျံရ်ကိူရ်အူ၊ ဆငည်း(2)
ဆဒါင်ကုင်တအာင်း
ကုင်တအာင်း၊ ပလှံင်အိုမ်ယ်ုရ် ခေဲင်ကျံရ်အူကိူရ်နီန် ပဲန်ကားကဒူႈ ကာည်း ကားဂေႈပ္လါအမှု(3)မှု၊ (1)အီးယံမ်း၊ (6)ကတူႈဖေးဘာတ်။
ဘည်မိုႈဘာည်းဘည်အ်ုန် ဘံန်ဟောည်ႇဒေဲႈ ကျံရ်အူကိူရ်၊ ဆငည်း(2) ဇူႈကဒါႇကီုင်မန္တလေး ဟိုက်ကဒါႇ လှံင်အိုမ်ယ်ုရ် ကားတာင်တိုအီးလေႈဒေင်ဒီန် ဘံန်လီပ်လှံင်အိုမ်ယ်ုရ် ရောတ်ယုင်စာက်မျံမ် ဒေင်ရဝ်ပါင်ဆမိူင် ကားတာင်တိုအီးဒီန် စိဘိူန်းဒေဂေႈကပ္လါႇလေႈဒိူႇဒေင်။ ဂေါပ်ပဲန်ကားဂေႈကပ္လါႇဒီန် ကောန်အီပ်ုန်အူအီး ယံမ်း၊ (2)အီး ကတူႈဖေးဘာတ်အောႏ။
ဆဲႈဒီန် ဆငည်း(9) ကားတဲင်ရကာဝ် တိုန်းကဒါႇအိုမ်ယ်ုရ် ဘိူန်းဒေဂေႈပ္လါႇ ရခြူမ်ရဝ်ပါင်ဆူမိူင်း ဂေါႇမိုႈအာဝ်ဘယ်ထီင်ဘ္လောမ်အ်ုန် စိင်ပေန်ကားဂေႈကပ္လါႇႎီရ်နှာဘံန်။ ကောန်အီမာည်း(3)အီး တောႇဒေဲႈကားဒီန်မော ကတူႈဘိူန်းဖေးဘာတ်အောႏ။
မိုႈဘို ကျံရ်အူကိူရ်၊ ဆငည်း(10) အခိင်ရဆံန် တာအံင်မံန် ဘိူန်းအဆာက်(38)ဆန်ုမ် အခိင်အ်ုန်မံင်ဒဲႈဆိုင်ကယ် ဘိူန်းဒေလီပ်ဒူႈကား အီဇံင်အူန်းအူကြောင်။ ဂေါႇအ်ုန်ဘိူန်းလီပ်ဒူႈဘည်ဒီန် တာအံင်မံန် ကတူႈဖေးဘာတ်ဒါင်း ဇိူင်လံပ်တ်ုမ်၊ တည်း ကာည်း တိုပိုင်အ်ုန်အောႏ။
ကဆီုဝ်ပဲန်ဟာဝ်းဘည်ဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ ဟာတ်းရောတ်ဒေစေတ်မေန်း အောႏ။
ကဆီုဝ်ကူန်ရတ်မာဂါင်ဂဲ လိုငိူပ်စေတ်မေန်းဆဲင်ကယ်အယ်တောန်ဆငည်း အီမိုႈဘရိတ် ကာည်း ကဆီုဝ်ဒီအရေးဒါင်း ၊ ဒီလိုဟိုက်တဆိုရ်လိုဆဒိကော်ႈဟာဝ်း ကာည်း လိုကော်ႈလိူည် ဘ္လောမ်အ်ုန်လလ။ ဆဲႈဒီန် ကညားဆဲင်ကယ်ဂဲ လိုငိူပ်မေန်းဒေင် ဆာ်ႈမိူမ်ပယောမ်းဘ္လောမ်အ်ုန်မော လိုပယောမ်း ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists