ဖုင်ပလိက်ကုင်တအာင်းဂဲ ကာည်း ဖုင်တီုက်ယာ်ႈအရေးခံင်ယိူည်ႇ ဘိူန်းတိုည်း ကဲအီကဇိူရ်ႈကယံင်းခံင်ယိူည်ႇ(7)အီး၊ ဘိူန်းတိုည်း အီမိူဝ်ႈခံင်ယိူည်ႇ(3)အီး ကာည်း အီဒါခံင်ယိူည်ႇ(4)အီး ခေဲင်ကျံရ်အူကိူရ်နီန် ကုင်တအာင်း၊ အေဲမ်ခြီရ်၊ ရူကော၊ အိုမ်ယ်ုရ် ကာည်း အိုမ်ငျံရ်။
ဒီရ်;ကဇေန်နီး
ကုင်တအာင်း ၊ အိူင်အိုမ်ယ်ုရ်၊ ပလှံင်မိူင်ဂူႈ လံပ်လေဆငည်း ကာည်း လံပ်က်ုတ်ဆငည်းဒီန် ဆီုက်ဘြာန်ဂဲ ဒါ ဂျဲက်ဖိုက်တာ ရောတ်ဒေဲႈပဴင်ပ္လေဘျုင်စီဇောႈပဒူႈ လံက်ဟာဝ်း တိုအီးရဝ် (9)အီးယံမ်း ၊(13)အီးကတူႈဖေးဆဝ်း ခေဲင်ဒီန်အ်ုန်တောပ်ကောန်ဒဲႇအူအီးအောႏ။
ကုင်တအာင်း၊ အိူင်အိုမ်ယ်ုရ်၊ ပလှံနောင်ချေဲဝ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေဘျုင်ထာန်ဇံန် (300) စီဇောႈပဒူႈ လံက်ဟာဝ်း ဂါင် (7)ဂါင် လူလှဲဝ်ႏဟာဝ်းအောႏ။
ကုင်တအာင်း၊ အိူင်အိုမ်ယ်ုရ်၊ PSLF/TNLA တီုင်ဒံန်ခြဲတြားဥပဒေ အီဂေါည် လှံင်မာဝ်းဓံင်းဂဲ ဝိူဝ်ႈဟာဝ်းကျောင်ဆပယ်ဆငါး ဘြဲဆားဒဲႈအချံင် တိုအီးအီကဇိူရ်ႈကယံင်းဒါ ခံင်မဝ်း (320)အီးအောႏ။
ပ်ုန်ဒီရ်;ဂီုန်း
