PSLF/TNLA ဖုင်ဒံန်ခြဲတြားဥတြားဥပဒေဂဲ ဘြဲဆားဒဲႈအချံင် တိုအီးအီကဇိူရ်ႈကယံင်းဒါ ခံင်မဝ်း (320)အီး
11 November 2024
PSLF/TNLA ဖုင်ဒံန်ခြဲတြားဥတြားဥပဒေဂဲ ဘြဲဆားဒဲႈအချံင် တိုအီးအီကဇိူရ်ႈကယံင်းဒါ ခံင်မဝ်း (320)အီး
ဆန်ုမ်2024၊ ကျံရ်(11 )ဆငည်း (11)
ကုင်တအာင်း၊ အိူင်အိုမ်ယ်ုရ်၊ PSLF/TNLA တီုင်ဒံန်ခြဲတြားဥပဒေ အီဂေါည် လှံင်မာဝ်းဓံင်းဂဲ ဝိူဝ်ႈဟာဝ်းကျောင်ဆပယ်ဆငါး ဘြဲဆားဒဲႈအချံင် တိုအီးအီကဇိူရ်ႈကယံင်းဒါ ခံင်မဝ်း (320)အီးအောႏ။
ခည်မိုႈ ဆီုက်ဘြာန်ဂဲ ဘြောင်ချှာင်လှံင်မာဝ်းဓံင်းဒီန် ဂေါႇကဲဘိူန်းအခွါင်းဆီုက်ဘြာန် အီကဇိူရ်ႈကယံင်းခံင်မဝ်း ကာည်း အီဒါခံင်မဝ်းမာ် ဂီုန်းပွံတ်အခည်းဟာ့်။ ဆဲႈဒီန် လံပ်တီုက်နာန်း1027 ဒေါန်(2)နီန် PSLF/TNLA ဂဲ ဘိူန်းပွံတ်ဒေဆီမ်း လှံင်မာဝ်းဓံင်း ခေဲင်ဒီဘြောင်ချှာင်လှံင်ဒီန် ကဲရေဲန်ဟာဝ်းဇီုင်းကာန် လံပ်တီုက်ယာႈအရေးခံင်မဝ်း စီဘိူန်းဒေတိုည်း အီကဇိူရ်ႈကယံင်းခံင်မဝ်း ကာည်း ကဲအီဒါခံင်မဝ်း (320)အီးအောႏ။
ဘံန်ဟောည်ႇဒီန် စီတိုန်းဟာဝ်းဂဲတကျောင်ဆပယ်ဆငါးဘြဲဆားဒဲႈအချံင် တအီဒါခံင်မဝ်းဂဲ (6)ကျံရ်လလ။ ဆာ်မိုႈတိုအီးအီကဇိူရ်ႈကယံင်းခံင်မဝ်း ဖုင်အီတီုက်ယာႈအရေးခံင်မဝ်းဂဲ နံင်တိူဝ်ႈလာည်းအရေး တောပ်လိူည်ဘည်ဥပဒေတြားအောႏ။
ဒီဘြောင်ချှာင် PSLF/TNLA ဘံန်ဟောည်ႇတိုည်းတိူဝ်ႈလာည်းအရေး ကဇေန်နီန် ခေဲင်လှံင်မာဝ်းဓံင်းဒီန် ခံင်မဝ်းမာ်ဟည်ဟြာည်ႇကမာ်ႈဟာဝ်း ကူန်ရဝ်မာဂါင်ဂဲမာ် ဟောည်ႇဘိူန်းဒေဂေါည်ချှီႇအောႏ။
PSLF/TNLAတီုင်ဒံန်ခြဲတြားဥပဒေဂဲ ကဲမိုႈဖုင်(1)ဖုင် အီရေဲန်ဟာဝ်းအရာပ်အရာရဝ်ဆာယာဂေါည်တခိူည်း၊ ဇီုင်းလံပ်ဘ္လီုက်လှူပ်တြားဥပဒေ ၊ရေဲန်ဇီုင်းကနာည်အကျိုးကူန်ရဝ်မာဂါင်၊ ရေဲန်လံပ်တီုက်ယာႈအရေးခံင်မဝ်း၊ ရေဲန်ကနာည်လံပ်ဘ္လီုက်လှူပ်ကူန်ရဝ်မာဂါင် ကဲရေဲန်ဟာဝ်းဇီုင်းကာန် (5)နဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists