ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ခေဲင်လှံင်ရူကော ကျံရ်ဖိုန်၊ ဆငည်း(30)ဒိူန် အခိင်ရဆံန်(11:30)နြီ ကားတာင်ကူမ် ဇူႈပရဝ်ဟိုမှိုင်းလေႈ ကဒါႇ လှံင်ရူကော ဘ်ုန်ရောတ်တဒေင်ကကာႈအူဒီန် ဇူႈကဒါႇလူမ်ပလိက် မောင်းဒေဲႈကညားဆဲင်ကယ်ဒီန် စီပဲန်ကဒူႈဟာဝ်းကဆီုဝ်ဒီန်အောႏ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာနအူလှေ တီုင်ကောန်အီပ်ုန် ဟြေဲႈဒါင်းဟိုက်ဇာရ် ခေဲင်ကျံရ်ဖိုန်နီန် ဘယ်လေႈဒေင် ဒဲႈလော်င်ပိင်ငျာ ရေဲန်ဇီုင်းကာန်ဒဲႈလော်င်ပိင်ငျာ တကူန်ရဝ်မာဂါင်ဂဲ ခေဲင်ရဝ်(37)ရဝ်အောႏ။
ဘည်မိုဘာည်းအ်ုန် ကျံရ်ဖိုန်၊ ဆငည်း(25)၊ အခိင်ရဆံန်(2:00)နြီထာန်နီး ပရဝ်အပါည် ပဲန်ဟာဝ်းခူရ်က္လာည်းဒါင်း။ ဂေါႇခူရ်က္လာည်းဒါင်း ဂါင်ဂေါည်ကူန်ရဝ်မာဂါင်ဂဲ ဒါ့်ဂါင်ကတာင်မာ်လူလှဲဝ်၊ ရောင်ဂါင်မာ်ဇာ်ႈလူလှဲဝ်၊ ဂြိုခြီုင်ဂေါည်ခေဲင်ဂါင်မာ် ဆူမ်းလူလှဲဝ်ဟာဝ်းဒိုႇအောႏ။
ပ်ုန်ဒီရ်;ဂီုန်း
