တအာင်းပြည်၊ ကျောက်မဲနှင့် သီပေါမြို့တို့တွင် သတင်းရယူရန် စစ်ကောင်စီတပ်မှ စေလွှတ်ထားသည့် စစ်ဘက်ရေးရာလုံခြုံရေးတပ်ဖွဲ့(စရဖ)နှင့် သတင်းပေး(ဒလန်) (၁၀)ဦးကျော်တို့ကို တအာင်းပြည် မြို့နယ်ရဲတပ်ဖွဲ့နှင့် ဌာနဆိုင်ရာတို့မှ ပူးပေါင်းပြီး ရှောင်တခင်စစ်ဆေးမှုများဆောင်ရွက်စဥ် ဖမ်းဆီးရမိခဲ့သည်။

တအာင်းပြည်၊ တပ်မဟာ (၄)နယ်မြေ၊ မိုးကုတ်မြို့အနောက်ပိုင်း၊ ကျပ်ပြင်အုပ်စု၊ အေးစေတီရပ်ကွက်တွင် အမျိုးသားတစ်ဦးသည် ဘိန်းဖြူနှင့်အရက် ရောသောက်မိရာမှ ရှော့ဖြစ်ပြီးသေဆုံးမှု ဖြစ်ပွားခဲ့ပါသည်။

တအာင်းပြည်၊ တပ်မဟာ (၅)နယ်မြေ မန်တုံမြို့နယ်တွင် စက်တင်ဘာလအတွင်း PSLF/TNLA တအာင်းပြည် မြို့နယ်ရဲ့တပ်ဖွဲ့မှ မူးယစ်ဆေးဝါးရောင်းဝယ်သူ (၂)ဦးနှင့် သုံးစွဲသူ (၆)ဦးဖမ်းဆီရမိခဲ့ပါသည်။

တအာင်းပြည်၊ တပ်မဟာ (၆)နယ်မြေ၊ မိုင်းဝီးမြို့တွင် အမျိုးသားတစ်ဦးသည် မြေမြှုပ်မိုင်းတစ်လုံးကို ဓါးနှင့်ခုတ်မိသောကြောင့် ပေါက်ကွဲမှုဖြစ်ပွားပြီး ထိခိုက်ဒဏ်ရာရရှိခဲ့သည်။

တအာင်းပြည်၊ တပ်မဟာ (၂)နယ်မြေ၊ မိုးကုတ်မြို့နယ်၊ ဘုရားသုံးဆူကျေးရွာတွင် စစ်ကောင်စီတပ်မှ လေကြောင်းဖြင့် ပေါင်(၂၅၀) ဗုံး(၂)လုံး ထပ်မံလာရောက်ကြဲချတိုက်ခိုက်ခဲ့ပါသည်။

တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့၊ ရပ်ကွက် (၂)တွင် စစ်ကောင်စီတပ်မှ လေကြောင်းဖြင့် ပေါင်(၂၅၀)ဗုံး (၂)လုံး ထပ်မံလာရောက်ကြဲချတိုက်ခိုက်ခဲ့ပါသည်။

တအာင်းပြည်၊ တပ်မဟာ (၇)နယ်မြေ၊ ကွတ်ခိုင်ခရိုင်၊ နမ့်ဖတ်ကာမြို့၊ ရပ်ကွက် (၁)နှင့် ရပ်ကွက် (၃)တွင် တစ်ရက်အတွင်း နေအိမ် (၂)အိမ် မီးလောင်မှု ဖြစ်ပွားခဲ့ပါသည်။

တအာင်းပြည်၊ တပ်မဟာ (၇)နယ်မြေ၊ နမ့်ခမ်းခရိုင်၊ မူဆယ်မြို့နယ်၊ နမ့်ဟွယ်(ထက်)ကျေးရွာတွင် တအာင််းပြည် မြို့နယ်ရဲတပ်ဖွဲ့မှ မူးယစ်ဆေးဝါးသုံးစွဲသူ အမျိုးသား (၂)ဦး ဖမ်းဆီးရမိခဲ့သည်။