ပညာသင်ကြားခွင့်သည် လူသားအခြေခံအခွင့်အရေးတစ်ရပ်ဖြစ်သည့်အလျောက် တအာင်းပြည် ပညာရေးကောင်စီ (Ta’ang Land Education Council – TLEC) မှ ၂၀၂၅–၂၀၂၆ ပညာသင်နှစ် တစ်နှစ်တာကာလအတွင်း တအာင်းပြည်အနှံ ကျောင်းပေါင်း (၅၁၁) ကျောင်းကို ဖွင့်လှစ်သင်ကြားပေးနိုင်ခဲ့ပါသည်။

တအာင်းပြည်အတွင်း သဘာဝပတ်ဝန်းကျင်ကို ရေရှည်တည်တံ့စေရန်နှင့် ဒေသခံပြည်သူလူထုများ၏ အသက်မွေးဝမ်းကျောင်းအခွင့်အရေးများကို ကာကွယ်စောင့်ရှောက်နိုင်ရေးအတွက် ၂၀၂၅ ခုနှစ် တစ်နှစ်တာကာလအတွင်း PSLF/TNLA မြေယာနှင့် သစ်တောထိန်းသိမ်းကာကွယ်ရေးဌာနမှ နမ့်ဆန်ခရိုင်၊ ကျောက်မဲခရိုင်၊ မိုးကုတ်ခရိုင်၊ ကွတ်ခိုင်ခရိုင်နှင့် နမ့်ခမ်းခရိုင်တိုတွင် ကြိုးဝိုင်းဧကပေါင်း (၂)သိန်းကျော်ကို သတ်မှတ်ခဲ့ပါသည်။

တအာင်းပြည်၊ ကျောက်မဲခရိုင်၊ ကျောက်မဲမြိုနယ်၊ လွယ်ကုန်းကျေးရွာ၊ ပြိန်းစင့်ကျေးရွာနှင့် ပန်ကော်ကျေးရွာတိုတွင် တအာင်းစာအဖွဲ-TLAမှ တအာင်းစာပေယဉ်ကျေးမှု ထိန်းသိမ်းမြှင့်တင်ရေးအတွက် အခြေခံတအာင်းရုံးသုံးစာ သင်တန်းဆင်းပွဲ ပြုလုပ်ကျင်းပပြီးစီးခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA၏ ဌာနတစ်ခုဖြစ်သည့် အမျိုးသမီးဖွံ့ဖြိုးတိုးတက်ရေးဌာနသည် ၂၀၂၅ခုနှစ် တစ်နှစ်တာအတွင်း ကျေးရွာပေါင်း (၃၄၄)ရွာကို ကွင်းဆင်းအသိပညာပေးမှုများ ပြုလုပ်နိုင်ခဲ့သည်။

တအာင်းပြည်ပညာရေးကို ရည်ရွယ်၍ ဖွင့်လှစ်နေသည့်တအာင်းပညာရေးရန်ပုံငွေထီ၏ (၃၂)ကြိမ်မြောက် အမြင့်ဆုံး သိန်း (၅၀၀)ကို မိုးကုတ်မြို့နယ်တွင်နေထိုင်သည့် ကိုခက်သွင်မှ ဆွတ်ခူးရရှိသွားခဲ့သည်။