ကောန်ကျောင်အီပ္လါန်ဘေဲႇဒါကြောႈ တဖုင်ခေါခါႇ ကောင်ဆံရ်ကုင်တအာင်း(THC)၊ အီငိူပ်မေန်းခေါခါႇကာည်း ကျောင်ကောလေတ်သိပ္ပံခေါခါႇ(CNHS)၊ ADN Program လိူဝ်ႈ(2)နီန် ကောန်ကျောင်အီအံင် ကောန်အီပ်ုန်(33)အီးကာည်း ကောန်အီမာည်း(5)အီး ကစုကပိုမ်ဂေါည်(38)အီး။
ဒီရ်;ကဇေန်နီး
ကုင်တအာင်း၊ အိူင်အိုမ်ခြိုင်၊ လှံင်အေဲမ်ကိုက်၊ ခမိုမာန်ဂျဲက်၊ တပြောရဝ်လောည်အူန်ဂိုး ကား(1)ကြောင် ဇောႈကပ္လါႇဟာဝ်းခေဲင်ပ္လေါည်အိုမ် ကဇေန်နီန် ဟောည်ႇဝီရ်ယိူဝ်း တိုးပိုင်းယံမ်း အီမာည်းအ်ုန် အီကမာ်ႈဟာဝ်းဒီန်အောႏ။
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဆီုက်ဘြာန်ဂဲ ဒါထမီန်Y-12 ကာည်း ပ္လေဘျုင် (60)ပိုင်း ရောက်ဒေဲ;ပဴင် ခေဲင်ဇံင် ကာည်း ရဝ် လံက်ဟာဝ်းရခါဝ်(1)ပါးယံမ်း တိုအီရဝ်(2)အီးကတူ;ဖေးဆဝ်းအောႏ။
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဆီုက်ဘြာန် ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန်(500) ပ္လေဘျုင် (5)ပိုင်းလေႈ လံက်ဟာဝ်း ကူန်ရဝ်မာဂါင် (1)အီးယံမ်း၊ (8)အီး ကတူႈဖေးဆဝ် ခေဲင်ဒီန် အ်ုန်တောပ် ကောန်ဒဲႇ ဆန်ုမ် ထာန်(10)ဆန်ုမ်အောႏ။
ကုင်တအာင်း၊ အိူင်အိုမ်ခြိုင်၊ လှံင်အေဲမ်ကိုက် ပရဝ်လောည်ဆဲင် အီမာည်းအူအီး ဂေါႇညားဒေညဲ့တီႇမဲင် ပ်ုန်တီႇအူန်းဆီုက်ဘြာန်ဂဲ မဲင်စီပဒူႈ လံက်ဟာဝ်း ဇိူင်အ်ုန်အူကဒါႇ ကတ်ုတ်လေႈပွံတ်အောႏ။
ပ်ုန်ဒီရ်;ဂီုန်း
