ကုင်တအာင်း၊ အိူင်အိုမ်ယ်ုရ်၊ လှံင်ဆဘော၊ ဇံင်တိုင်ဆီင့် အခိင်ကငျားဂါင်ဂဲ ဝဲႈဒဝ်းဖေးနာန်း ညားငံရ်ကဆူမ်းဟာဝ်း ဂါင် (1)ဂါင်အောႏ။

ကုင်တအာင်း ၊ အိူင်မာန်အော်မ်၊ ပလှံင်အေဲမ်ခြီရ်၊ ဆီုက်ဘြာန်ဂဲ ကယေင်ပဴင် ကူန်ရဝ်မာဂါင်ဂဲ ဒါပ္လေလာက်နာက်အီရဲင်ဘ္လောမ် ပ္လေထာန်ဇံန်(500) ဒေဲႈပဴင် (2)ပိုင် ခေဲင်လှံင်အေဲမ်ခြီရ်အောႏ။

ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဂေါႇဆီုက်ဘြာန်ဂဲ လီလာပဴင်ပ္လေဒါင်း လံက်ဟာဝ်း တိုအီးရဝ် ကောန်အီမာည်(1)အီးယံမ်း ကာည်း ကောန်အီပ်ုန်(1)အီး ကတူႈဟာဝ်းဖေးဆဝ်းအောႏ။

ကုင်တအာင်း ၊ အိူမ်မာန်အော်မ်၊ လှံင်မူစယ် ပရဝ်စယ်လာန်း ကျံရ်(9) ဆငည်း(1)ဒိူန်း ပေန်ငံရ်ကဆူမ်း ခေဲင်ဒီန် ချှူမ်းဟာဝ်း ရိူန်း ငေါႈခံန် (1)ဟြဲင်ဆဲန်ဘျာအောႏ။

ကုင်တအာင်း၊ ကနာည်ကျောင်ပနောဘေဲႇ ရေဲန်ပ္လေါည်ဝိူဝ်ႈထီ ကဇောည်ပိင်ငျာကုင်တအာင်း-TLEC လိူဝ်ႈ (15)နီန် ကညားအီပ်ုတ်ဟာဝ်း ဆုဒါင်းမိုႈ အ်ုန်အီဂေါည် ပလှံင်အေဲမ်ခြီရ် ရဟောမ်ရမာ ကညားအီဝိူဝ်ႈဆဲင်ရောင်နီ အောႏ။