ကုင်တအာင်း၊ လှံင်အိုမ်ယ်ုရ်၊ ခမိုကျောက်ဖြူဒါင်း ရဝ်ကျောက်ဖြူ၊ ရဝ်ကျောက်ခေါင်း၊ ပ္လေါင်ဘြာန်၊ ရဝ်ဆိုရ်အိုည်ကိူရ်ဂဲ ကစုကပိုမ်ရဲင်ဘ္လောမ်ဒေ လှံင်အိုမ်ယ်ုရ်၊ ဇံင်မာန်မိုင် ကာည်း ရဝ်ဆိုရ်အိုည်ကိူရ် ကူန်ရဝ်မာဂါင်ဂဲ ကစုကပိုမ်ရဲင်ဘ္လောမ်ဒေ ဘြဲဆာဒေင်ကောန်ကရီတ် ဒီလူလှဲဝ်ႈ ႎီရ်ပျိူဝ်ႇရာင်ဒေ။
ဒီရ်;ကဇေန်နီး
ပ္လေါည်ပ္လိုတ်ႎါင်ပနောဘေဲ,လူမ်တအာင်းနီး ဖုင်ဘေဲႇတအာင်း-TLAဂဲ ဆော်အွံရ်ဒေရေဲန်ဟာဝ်း ယာမ်မိုႈ ကျံရ်အူကိူရ်၊ ဆငည်း(10) အခိင် ခီညှားဇေဝ်ဒိူန်။
ဘံန်ဟောည်ႇဒေဲႈ ကျံရ်အူကိူရ် ဆငည်း(8)ဒိူန် တာအိုက်ခါဝ် ဘိူန်းအဆာက်(45)ဆန်ုမ် ဂေါည်ပရဝ်ဟိုနောင်၊ တာအိုက်ငု ဘိူန်းအဆာက်(25)ဆန်ုမ် ဂေါည်ပရဝ်တုံဆီင် ကာည်း တာအချွေး ဘိူန်းအဆာက်(54)ဆန်ုမ်ဂဲဒီန် ဖုင်ပလိက်ကုင်တအာင်းဂဲ ဘိူန်းတိုည်းဟာဝ်း ခေဲင်လှံင်ကိုက်ခည်း။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန်(3)အီး ကာည်း တိုအီးဒါခံင်ယိူည်ႇ(14)အီး ပလှံင်အေဲမ်ငူည် အိူင်အေဲမ်ခြီရ်။
ပ်ုန်ဒီရ်;ဂီုန်း
