ခေဲင်ပါင်ကတူ;ကငျာဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဒါင်း ခူန်ချုဒါင်း တားအဘုင် ၊ တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ တားတီုင်အွံရ်ဆီုက် ခူန်ချု တားဟိုဝ်ပ္လါင်ဂဲဟိုက်ရောတ် က္လာင်းဟာဝ်းကြော;တံမ်း

   ခေဲင်ပါင်ကတူ;ကငျားဒီန် ကူန်ရဝ်မာဂါင် ဝါဝည်းကောန်တီုင်ကုင် ခြိူဝ်းမျိုးဆျံမ်၊ ခါင်း၊ ချင်း၊ ယာင်ရေင်၊  ဘြာန်၊ လီဆူ၊ ဂေါ်ရခါး၊ ခယ် ဂဲမာ်ဟိုက်ရောတ်စာမ်း

PSLF/TNLA ဖုင်ဒံန်ခြဲတြားဥပဒေဂဲ နံင်တိူဝ်;လာည်းဟာဝ်းအရေးဒါင်းဒါင်း တကညာအီဒူ;ဆဲင်ကယ်ဒီန် တောပ်လိူည်ဘာည်းဥပဒေတြား

ဂေါ,မဲင်တီ,အူန်းဆီုက်ဘြာန် ကူန်ရဝ်မာဂါင်ဂဲ ဂေါည်​​​ဂေါည်ဒေကတူ;ညဲ့မဲင် ယံမ်းဟာဝ်းမာ် ဟည်ဘ္လမ်းခည်ခည်း

တံပ်အွံရ်ပ်ုန်လောတ်ကပီုန်းတအာင်းPSLF/TNLA တဒေဆီမ်းဟာဝ်း လှံင်အိုမ်ငျံရ်ဒီန် ဂဲနံင်ရီန်းရဲတ်ဒေ ဘြောင်ချှာင်ဟာဝ်း တောပ်လိူည် ဘည်ယန္တရား PSLF/TNLA ကာည်း နှာင်ငိူပ်မေန်းဟာဝ်း ခေါခါ,ကူန်ရဝ်မာဂါင်ဂဲ ကတီးကရီးအောႏ။

PSLF/TNLA တီုင်အိုမ်ဘြည်ကတာည်းဂဲ ဟောည်,ဘယ်ဒေ ဒံန်ခြဲဟာဝ်းဘြည် ခေဲင်လှံင်အိုမ်ငျံရ် ကပိုမ်ဂရန် ဟည်ဂေါည်(8)မှီုန်းလေ; ၊  ဆာင်းလာင်းဟာဝ်း လောင်ဥပဒေမူဝါဒ ကာည်း စီဘ္လချဟာဝ်းဂရန်ဒီကတာည်းအောႏ။

တံပ်အွံရ်ပ်ုန်လောတ်ကပီုန်တအာင်း PSLF/TNLA နံင်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်မဝ်းတဂဲ(5)အီးအောႏ။

ခေဲင်ပ္လေါည်ဒီန် စီကဘ္လာင်းဆာင်လာင်းဟာဝ်း ဘည်ဘာည်းဒေပျိူဝ်,ယိူဝ်,ဒေဲ; ဆငည်းကောန်အီပ်ုန် ပါ်ကံမ်ဖာ၊ တောပ်ဘိုး ဇီုင်းကာန်ပ်ုန်ရေဲန် တီုင်ကောန်အီပ်ုန်ဟြေဲ;ဒါင်းဟိုက်ဇာရ် ကာည်း ဘည်ကတူ;အီးနဘာည်းတေဲင်ကောန်အီပ်ုန် ခေဲင်ကုင်တအာင်းအယ်အောႏ။

ခေဲင်အရာပ်အရာတောန်ဒီ  ဖုင်အီရံပ်ဇီုင်းကာန်မျံမ် လှံင်အိုမ်ယ်ုရ်၊ လှံင်မာဝ်းဓံင်း၊ လှံင်မိူင်းကူတ်၊ လှံင်ရူကော ကာည်း အီဘြောင်အီလည်မျံမ်ဂဲ ကမိုန်ဟာဝ်းလောင်ဇီုင်းကာန်မျံမ်