ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ကပုအ်ုန်အီလူလှဲဝ်ႏ ပလှံင်အေဲမ်ခြီရ် ဇံင်အံင်မင်္ဂလာဒီန် ဇူ;ကျံရ်တီမ် ဆငည်း(7)ဒိူန် ဖုင်ဆပဲဆငါးဂဲ ဝီရ်ဘြဲဆား ရောတ်ကျံရ်တီမ် ဆငည်း(13)ဒိူန် ဂဲဝီရ်ဘြဲဆားဟောည်ႇဟာဝ်း၊ ကပုဒီန် ထာန်ဒိုင်းအ်ုန်ဂေါည်(32)ပေ ကာည်း ထာန်ကဝါႈအ်ုန်ဂေါည်(4)ပေ။
ႎါင်ပနောနီန် သာမဏေ(4)ပါး၊ ကောန်အီမာည်း(16)အီး ကာည်း ကောန်အီပ်ုန်(6)အီး ကစုကပိုမ်ဂေါည်(26)အီး ဟိုက်ဒေဲႈပနော။ အီဟိုက်ပနောဟောည်ႇဟာဝ်း ကောန်ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈဟာဝ်း ပ္လါႇဘေဲႇ လှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီးလေႈဟိုက်ရောတ်ဒေဲႈ။
ပ္လေါည်ပ္လိုတ်ႎါင်ပနောနီန်း ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ခည်မိုႈ ကျံရ်တီမ် ဆငည်း(8) အခိင်ခီညှာဇေဝ်ဒိူန်။ ႎါင်ပနောနီန် ကောန်အီမာည်း(11)အီး ကာည်း ကောန်အီပ်ုန်(21)အီး ကစုကပိုမ်ဂေါည်(32)အီး ဟိုက်ဒေဲႈပနော။ အီဟိုက်ပနောဟောည်ႇဟာဝ်း ကောန်ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈဟာဝ်း ပ္လါႇဘေဲႇ လှိုပ်ဂုင် (Certificates)တဂဲ။
ပ်ုန်ဒီရ်;ဂီုန်း
