ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်၊ လှံင်အေဲမ်ငူည်၊ လှံင်မိူင်းငေါှ ကာည်း လှံင်မိူင်းလိုင် ဂေါႇမိုႈက္လာည်းဒါင်းတောန်ဆငည်း ဒေင်လူလှဲဝ်ႏမာ်မိူဝ်ႈ ဂေါႇဘည်ဒီန် ပ္လိုတ်ဆဒိ ကဆီုဝ်ကူန်ရဝ်မာဂါင်အယ်ဂဲ ဂေါည်ခေဲင်ကုင်တအာင်းနီန် ဆမွံတ်အယ်ဒါရဒေင်ရအာည်ႇ စိလေႈဒေင်။
ဒီရ်;ကဇေန်နီး
ပလှံင်နောင်ချေဲဝ် ဆီုက်ဘြာန်ဂဲ ဒါ Jet Fighter ရောတ်ဒေဲႈပဴင်ဟာဝ်း ပ္လေဒါင်း တပြောရဝ်ကာင်ကျီး (2)လိူဝ်ႈထာန်ဒီန်
ဂေါႇဆီုက်ဘြာန်ဂဲ ဒါထမေန်လီလာပဴင်ဘည်ဒီန် ဘည်အာဝ်မိူဝ်ႈလံက်တိုအီးယံမ်း ကာည်း ကတူႈဖေးဆဝ်မာ် လံက်ဟာဝ်းရဝ်ဂါင်မံင်ဒီလူလှဲဝ်ႏ
ဂေါႇပ္လေဒါင်း ထာန်ဇံန်(500) ပဴင်ဆီုက်ဘြာန်ဂဲ ဇောႈပဒူႈခေဲင်က္လာႈ ကူန်ရဝ်မာဂါင် (6)ယံမ်းဟာဝ်း ၊ (10)အီးထာန်နီန် ကတူႈဟာဝ်းဖေးဆဝ် ၊ က္လာႈ ကာည်း ဂါင် ညားငံရ်ကဆူမ်း လူလှဲဝ်ႏဟာဝ်း
ဂေါႇပ္လေဘျုင်ပဴင် ဆီုက်ဘြာန်ဂဲ ဇောႈပဒူႈ လံက်ဟာဝ်း ဆဲင်က္လာႈလှံင်အေဲမ်ကိုက် (401)ဆဲင် ညားငံရ်ကဆူမ်းဟာဝ်း ကာည်း ဂါင်ဒီဂေါည်ကူန်ရဝ်မာဂါင်(10)ဂါင်မာ် လူလှဲဝ်ႏဒိုႇ
ခေဲင်လှံင်အေဲမ်ကိုက် အာဝ်မိူဝ်ႈမပဲန်ကတီုက်ကပဴင်ဘည်ဒီန်မာ် ဆီုက်ဘြာန်ဂဲ ဒါ Jet Fighter ကယေင်ဒါင်းဒါင်း ဒေဲႈပဴင်ဟာဝ်း ပ္လေဘျုင် ဒီဂေါည်ကူန်ရဝ်မာဂါင် (7)ပိုင်း
ပ်ုန်ဒီရ်;ဂီုန်း
