တအာင်းပြည်၊ တပ်မဟာ (၁)နယ်မြေ၊ နမ့်ခမ်းမြို့နယ်၊ နောင်တိန်ကျေးရွာတွင် အမျိုးသားတစ်ဦး ကြံစိုက်နေစဥ်အတွင်း စစ်ကောင်စီတပ်ထောင်ထားခဲ့သည့်မိုင်းကို ခုတ်မိရာမှ ပေါက်ကွဲပြီး ဒဏ်ရာပြင်းထန်ရရှိခဲ့သည်။

တအာင်းပြည်၊ တပ်မဟာ(၂)နယ်မြေ၊ နောင်ချိုမြို့နယ်တွင် စစ်ကောင်စီတပ်မှ လေကြောင်းကို အသုံးပြုပြီး ဗုံးကြဲတိုက်ခိုက်မှုကြောင့် ဒေသခံ (၁)ဦး ထိခိုက်ဒဏ်ရာရရှိခဲ့သည်။

တအာင်းပြည်၊ ပညာရေးကို ရည်ရွယ်၍ ဖွင့်လှစ်နေသည့် တအာင်းပညာရေးထီ၏ (၂၀)ကြိမ်မြောက် အမြင့်ဆုံး သိန်း (၅၀၀)ဆုကို နမ့်ဆန်မြို့ မြသပိတ်ရပ်ကွက်တွင်နေထိုင်သည့် ဦးစိန်ပန်းမှ ဆွတ်ခူးရရှိသွားခဲ့သည်။

၂၀၂၅ခုနှစ် ဖေဖော်ဝါရီလ ၅ ရက်တွင် သီပေါမြို့နယ် စံဖိတ်ကျေးရွာရှိ ဖုန်းအသုံးပြုနေသည့် ဒေသခံ (၄၀)ကျော်အား မိမိတို့ PSLF/TNLAတပ်သားများမှ ဖမ်းဆီးခေါ်ဆောင်သွားကြောင်း Shan News(Burma Version)ခေါ် သျှမ်းသံတော်ဆင့်မီဒီယာမှ Online Facebookစာမျက်နှာတွင် ဖော်ပြသည်ကို ဖတ်ရှုရပါသည်။

တအာင်းပြည်၊ တပ်မဟာ(၅)နယ်မြေ၊ ကွတ်ခိုင်မြို့နယ် နမ့်ဆိုင်ကျေးရွာတွင် ကလေးငယ် (၄)ဦးသည် လက်လုပ်မိုင်းကို နင်းမိရာမှ ကလေးငယ် (၂)ဦး သေဆုံးခဲ့ပြီး (၂)ဦး ဒဏ်ရာရရှိခဲ့သည်။