ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ အခိင်ခီညှာ(7:30)မနေတ်ဒိူန် ဆီုက်ဘြာန်ဂဲ ဒါY-12 ဒေဲႈရောတ်ဒေပဴင် ခေဲင်က္လာႈအူဒီန် က္လာႈဒါင်း ကာည်း က္လာႈဇံင်(4) ပ္လေဒါင်းပဴင် ဆီုက်ဘြာန်ဂဲ စီဇာႈပဒူႈလံက်ဟာဝ်းအောႏ။

ကုင်တအာင်၊ အိူင်အိုမ်ယ်ုရ် ၊ ပလှံင်ဆဘော ကာည်း လှံင်နောင်ချေဲဝ် တီုင်တံပ်ဆီုက်ဘြာန်ဂဲ ဒါထမီန် ကယေင် ပဴင်ဟာဝ်း ပ္လေဒါင်း တေဲင်ကူန်ရဝ်မာဂါင်ဂဲ တောန်ဆငည်းအောႏ။

ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဂေါႇဆီုက်ဘြာန်ဂဲ ဒါထမီန် ပဴင် ပ္လေဘျုင် လံက်ဟာဝ်း ကောန်အီပ်ုန်(2)အီး ကတူႈဖေးဆဝ် ကာည်း ကား(1)ကြောင် ညားငံရ်ကဆူမ်းဟာဝ်းအောႏ။

ကုင်တအာင်း၊ အိူင်အိုမ်ယ်ုရ်၊ ဆီုက်ဘြာန်ဂဲ ဒါ ထမီန် Y-12 ရောတ်ဒေဲႈပဴင် ပ္လေဘျုင် (50)ပိုင်းလေႈ ပလှံင်ဆဘောကဲဒါဘိုးပ္လေဒါင်း ဆီုပ်ပဴင်ဟာဝ်းအောႏ။

ကုင်တအာင်း ၊ အိူင်အိုမ်ယ်ုရ်၊ ဒီဘြောင်ချှာင်PSLF/TNLAဂဲ ပလှံင်နောက်ချေဲဝ် ဆီုက်ဘြာန်ဂဲ ဒါထမီန် ကာည်း ထာဇံန်(500)ပိုင် ရောတ်ဒေဲႈပဴင်ဟာဝ်းဘို ကဒါ, ဇံင်တ်ုန် ကာည်း ဖြာဆျိုည်မုဋောအောႏ။