ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(31)နီန် အီဘိူန်းဟာဝ်း ဆုဒါင်း(500)ဆဲန်မိုႈ ယာမျအေး အီဂေါည် ပရဝ်မာန်းလာန်း၊ လှံင်အိုမ်ယ်ုရ်အောႏ။
ဒီရ်;ကဇေန်နီး
ဂေါႇပ္လေဘျုင်ပဴင် ဆီုက်ဘြာန်ဂဲ ဇောႈပဒူႈ လံက်ဟာဝ်း ဆဲင်က္လာႈလှံင်အေဲမ်ကိုက် (401)ဆဲင် ညားငံရ်ကဆူမ်းဟာဝ်း ကာည်း ဂါင်ဒီဂေါည်ကူန်ရဝ်မာဂါင်(10)ဂါင်မာ် လူလှဲဝ်ႏဒိုႇ
ခေဲင်လှံင်အေဲမ်ကိုက် အာဝ်မိူဝ်ႈမပဲန်ကတီုက်ကပဴင်ဘည်ဒီန်မာ် ဆီုက်ဘြာန်ဂဲ ဒါ Jet Fighter ကယေင်ဒါင်းဒါင်း ဒေဲႈပဴင်ဟာဝ်း ပ္လေဘျုင် ဒီဂေါည်ကူန်ရဝ်မာဂါင် (7)ပိုင်း
ဂေါႇပ္လေဘျုင်ဇောႈပဒူႈဘည်ဒီန် လံက်ဟာဝ်း ဂါင်(5)ဂါင် ညားငံရ်ကဆူမ်းလူလှဝ် ကာည်း ဆဲင်အီဂေါည်ခေဲင်က္လာႈကဲဒီန်မာ် ညားငံရ်ကဆူမ်းဟာဝ်း PSLLF/TNLA ဖုင်အီပျံတ်ငံရ်လှံင်အေဲမ်ကိုက်ကဲ ပေါရောတ်ဒေပျံတ် ငံရ်စီယံတ်ဟာဝ်း
ဒီပဲန်ဟာဝ်းကတီုက်ကပဴင်ဒီန် ဆီုက်ဘြာန်ဂဲ ဒါ Jet Fighter ဒေဲႈရောတ်ပဴင်ဟာဝ်းပ္လေဒါင်း ကဒါႇ တပြောတံပ်ဆခါန်ကိုင် ကာည်း ကောင်မှူးပတ္တများ(9)လိူဝ်ႈ
ဆီုက်ကိုကာန့် MNDAA ဆော်အွံရ် လံပ်တီုက်နာန်း ကပိုမ်တောပ်ဘဝ်ကီုတ့်ကဲ အခိင်လီပ်ဝိူဝ်ႈကတီုက်ကပဴင်တီုက်ယာႈ ဘြောင်ချှာင်ယန္တယာ အာဏာဆျှီန်ဆီုက်ဘြာန်ဂဲ အီဂေါည် ပလှံင်လာဆေဝ် စီဘိူန်းဒေဆီမ်းဟာဝ်း ကဘေဲမ်လာဆေဝ်
ပ်ုန်ဒီရ်;ဂီုန်း
