ဒီအိုမ်ဘြည်တအာင်းအူဒီ တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်အိုမ်ဘြည်ကတာည်းဂဲ ရေဲန်ဟာဝ်းပါင်ကမိုန် လောင်မူဝါဒကတာည်း ကာည်း ဇီုင်းကာန်ပ်ုန်နံင်ရေဲန်ဟာဝ်းရအာည်ႇ ကဲရေဲန်လှေင် (2)ဆငည်းကတီးကရီးအောႏ။

ကုင်တအာင်း ၊ အိူင်အိုမ်ယ်ုရ်၊ လှံင်နောင်ချေဲဝ် ပရဝ်အီင်ဝိုင် ဂေါႇပ္လေဒါင်း ပဴင်ဆီုက်ဘြာန်ဂဲ လံက်ဟာဝ်း စဝ်ဆာင်ခါ(1)ပါးလောန် ကာည်း တိုအီရဝ် (2)အီး ကတူႈဟာဝ်းဖေးဆဝ်းအောႏ။

ကုင်တအာင်း၊ ဒီအိူင်အိုမ်တမာဝ်းအူဒီ PSLF/TNLA ကာ်မ်မတီကောန်အီပ်ုန်တံပ်နာန်းတအာင်းဂဲ ဆော်အွံရ်ဒေရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ယာမ်မိုႈဆငည်းအမှိုဝ်း ကျံရ်ကိူရ်အူ ဆငည်း (25) အခိင် ခီညှာ (10)နြီရောတ် ရဆံန်ဆငည်း (12:45)မနေဲတ်ဒိူန်းအောႏ။

ကုင်တအာင်း၊ အိူင်အိုမ်ယ်ုရ်၊ ပဇံင်က္လာ လှံင်နော်ချေဲဝ် ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် ပလှံင်နောင်ချေဲဝ် စီလံက်ဟာဝ်းကောန်ဒဲႇ အူအီး ကာည်း တိုအီးရဝ် (6)အီးကတူႈဖေးဆဝ်းအောႏ။

ကုင်တအာင်၊ အိူင်အိုမ်ခြိုင် ၊ ခေဲင်လှံင်အေဲမ်ကိုက် ပဇံင်(4)ဒီန် ဆီုက်ဘြာန်ဂဲ ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေဘျုင် စီပဒူႈလံက်ဟာဝ်း တိုအီးရဝ် (3)အီးယံမ်း ခေဲင်ဒီန်အ်ုန်တောပ် ကောန်ဒဲႇ အူအီး၊ (13)အီးကတူႈဖေးဆဝ်း အောႏ။