ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဆီုက်ဘြာန် ဒါ ဂျဲက်ဖ်ုက်တာ ရောတ်ဒေဲႈပဴင် ပ္လေထာန်ဇံန်(500) ပ္လေဘျုင် (5)ပိုင်းလေႈ လံက်ဟာဝ်း ကူန်ရဝ်မာဂါင် (1)အီးယံမ်း၊ (8)အီး ကတူႈဖေးဆဝ် ခေဲင်ဒီန် အ်ုန်တောပ် ကောန်ဒဲႇ ဆန်ုမ် ထာန်(10)ဆန်ုမ်အောႏ။

ကုင်တအာင်း၊ အိူင်အိုမ်ခြိုင်၊ လှံင်အေဲမ်ကိုက် ပရဝ်လောည်ဆဲင် အီမာည်းအူအီး ဂေါႇညားဒေညဲ့တီႇမဲင် ပ်ုန်တီႇအူန်းဆီုက်ဘြာန်ဂဲ မဲင်စီပဒူႈ လံက်ဟာဝ်း ဇိူင်အ်ုန်အူကဒါႇ ကတ်ုတ်လေႈပွံတ်အောႏ။

ကုင်တအာင်း ၊အိူင်အိုမ်ယ်ုရ်၊ပလှံင်ဆဘော ၊ ကျံရ်(9) ဆငည်း(29)ရောတ် ဆငည်း (30) ခေဲင်ဘြည် (3) ဆငည်းနီန် ဂေါႇဆီုက်ဘြာန်ဂဲ ဒါ ထမီန် ကာည်း ရောက်ဒေဲႈပဴင် ပ္လေဘျုင် လံက်ဟာဝ်း တိုအီရဝ် (4)အီးယံမ်း၊ (11)အီးကတူႈဖေးဆဝ်အောႏ။